eletric
/-lè-/
e|le|tric
[FO]
-
adi.
che al rivuarde la eletricitât:
in Regjon o vin 188 implants idroeletrics par 0,5 GW di potence instalade e 1800 GWh prodots al an: il 18% di dute la produzion eletriche regjonâl (Matteo Mazzolini, Autonomie energjetiche nol vûl dî autarchie);
misurâ la ativitât eletriche dal cerviel (Franc Fari, Il cjâf dai furlans)
Var. letric
-
adi.
di aparât, che al funzione cu la energjie eletriche:
un campanel eletric (Pieri Menis, Nadâl ancje par Gjelmin);
dongje de cjadree dal nono a son la stue a gas e il termosifonut eletric, che cuant che si lu pie al fâs odôr di metal (Spirt Anonim, Il piçul ream);
si veve fat mâl taiant lens cu la see eletriche (Amedeo Giacomini, Tal ospedâl)
-
che al prodûs o che al traspuarte energjie eletriche:
al plan tiere dal fabricât des turbinis a son i gjeneradôrs eletrics diesel di emergjence (Alessandro Pascolini, Il disastri de centrâl nucleâr di Fukushima Dai-ichi);
lis liniis telefonichis e eletrichis a saltarin ma, in gracie de rêt dai radioamadôrs […] a rivarin aiûts e socors (Luigina Di Giusto, Andrea Guaran, Mauro Pascolini, La culine furlane)
-
adi.
(fig.)
che al è intun stât di agjitazion, tension, gnervôs e v.i.:
tra i invidâts e jere une atmosfere eletriche
Sin. gnervin1
, gnervôs
, infogât
, spasimât
, tirât
, frenetic
, imboreât
, imboreçât
, incuiet
, malcuiet
, smaniôs
-
adi.
di colôr, fuart, lusint come chel des faliscjis che si pues produsi cuntune scosse eletriche:
pomodoros sglonfs di ros e di lûs, pevarons di un vert eletric o cualchi çate di indivie clare cui ôrs inriçâts (Maria Forte, Cjase di Dalban)
-
adi.
dal colôr blu, de tonalitât tipiche des tutis dai eletriciscj
-
s.m.
passaç di eletrons dilunc i fîi de rêt di distribuzion eletriche che al permet di fâ lûs cu lis lampadinis o di movi motôrs eletrics:
il contat al fâs saltâ l'eletric, al sune l'alarme (Ivano Urli, Storie di Min);
si à di spiegâ se il fûc al è fûc di lens o di gas o di eletric (Josef Marchet, Censiment);
i vignì sù un grop tal cuel, cussì violent che si è scossât dut, come se al ves tocjât eletric (Pieri Menis, Un macet di sanmartinis)
Sin. eletricitât
, fuarce eletriche
, lûs
, corint2
, energjie eletriche
, corint eletriche
Var. leletric
-
s.m.
(fig.)
scosse eletriche, massime in comparazions che a vuelin pandi une fuarce vive e gnervose:
si sintive, come un eletric, la presse ligriose di chei umign che a tiravin dongje la puare robe di puartâ a cjase (Maria Forte, La tiere di Lansing);
Guri al slungjave la man sot la plete, a cirîle; jê si sintive il grim a buiâ, come un eletric (Dino Virgili, La aghe da pît la cleve)