corint2
/-ì-/
co|rint
[FO]
-
s.f.
masse di aghe, o ancje di altri fluit, che si môf intune direzion:
a fâ il bagn tal flum si à di stâ atents di lâ dulà che no je corint;
e vualmà un cjan che al nadave te corint (Carlo Sgorlon, Ombris tal infinît)
Sin. corentie
, flus
, corevul
-
masse di aiar che si môf intune direzion:
a son ponts dulà che lis corints si strenzin e l'aiar al rive a velocitâts une vore altis (plui di 100 km/h) (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
(fam.)
masse di aiar che e cor intun ambient:
te sale dulà che a gustarin e jere une corint di aiar fuarte. I barcons ju vevin lassâts vierts e a cjalavin tun zardin (Agnul di Spere, Un sorbet di limon);
siere la puarte, che al fâs corint
Sin. zîr di aiar
, aiar1
, corentie
-
s.f.
moviment di robis o personis:
la prime vuere mondiâl e veve fermât lis corints migratoriis che a levin tes Gjermaniis
Sin. flus
, zîr
, moviment
-
s.f.
tindince di opinions politichis, ideologjichis, religjosis, artistichis, e v.i.:
il gnosticisim, une des corints teologjichis/filosofichis di orientament pardabon elitari, che si veve difondude tai timps dal prin cristianisim (Giovanni Battauz, Flavio Cossar, Renato Iacumin, I mosaics de basiliche di Aquilee);
Afro al studiarà e al fasarà pratiche a Vignesie, a Florence, a Rome e a Milan, vincint premis di piture e jentrant in contat cu lis plui impuartantis corints artistichis talianis (Luca De Clara, Afro Basaldella)
Sin. moviment
, scuele
, tindince
-
grup di personis che a aderissin a une tindince:
barufis continuadis fra ministris, fra partîts e fra corints (Riedo Pup, I furlans e la television)
Sin. direzion
, filosofie
, moviment
, pinsîr
, scuele
, tindince
, clape
-
s.f.
passaç di eletrons traviers di un condutôr, doprade tant che energjie par fâ funzionâ motôrs, aparâts, lampadinis e v.i.:
e je saltade la corint;
une volte colegât a la prese di corint di colp l'aparât al veve tacât a sgrasaiâ… ondis AM… vôs lontanis… ondis FM… cjançons di musiche pop… (Checo Tam, I nemîs)
Sin. eletricitât
, fuarce eletriche
, lûs
, eletric
, corint eletriche
Proverbis:
- cjaminâ cuintri corint al è come pissâ cuintri vint
- mai nadâ cuintri de corint