filosofie
/-ìe/
fi|lo|so|fi|e
[AF]
-
s.f.
ativitât dal pinsîr che e à l'intindiment di cirî e di cognossi i principis di fonde de realtât e de esistence umane:
a diference de filosofie, che e partìs de sapience umane par cirî, cu la lum de reson, lis causis ultimis e fondantis di dut ce che al è, la teologjie e partìs de rivelazion di Diu (Antoni Beline, La fabriche dai predis)
-
s.f.
dissipline scolastiche o universitarie che e studie il pinsîr dai grancj filosofs:
1699, ai 27, el nas a Cividât, Jacun Stellini, professôr di filosofie (Redazion SFF, Il Strolic furlan pal 1940)
Sin. storie de filosofie
-
facoltât universitarie dulà che si studie chê dissipline:
la Universitât di Lubiane e nassè cussì il prin di Setembar dal 1919: sul imprin lis facoltâts a jerin cinc (Leç, Filosofie, Tecnologjie, Teologjie e Medisine) (Alessio Potocco, Lis cuatri universitâts de Slovenie)
-
s.f.
pinsîr di un filosof, di une scuele, di une epoche:
nissun al è stât bon di dînus il parcè dal nestri patî. Nissun! Lis filosofiis, confrontadis su chest pont a son propit vueidis (Francesc Placerean, La Pasche)
Sin. pinsîr
-
s.f.
principi logjic o morâl che al determine la vision des robis o che al ispire la azion di une persone o di un grup di personis:
le cognòs la tô filosofie: "lavore parcè che tu âs alc di dî e no parcè che a vedin di batiti lis mans" (Gianni Gregoricchio, Ta chê gnot, lusôr di lune);
la filosofie militâr di Cavedalis e jere cheste: pontâ su la difese, spietâ che a intervignissin i aleâts romans e napoletans e intant disturbâ il nemì cun cualchi azion ofensive (Giovanni Pillinini, Zuan Batiste Cavedalis - Une vite esemplâr)
Sin. ideologjie
-
principi o complès di principis logjics o tecnics che a determinin il mût di puartâ indevant une ativitât:
lant a viodi i progjets che a stan daûr dai doi coretôrs a vegnin in lûs dôs filosofiis disferentis (Ricart Urban, Il mestri eletronic)
-
s.f.
(fig.)
acetazion serene:
invezit Faustin […] al à cjapade la medaie cun filosofie (Riedo Pup, I furlans e i parons)
-
s.f.
(fig., spres.)
speculazion astrate cun pocje aplicazion pratiche:
ma jo no stoi li denant a fâ filosofie (AAVV, Sul florî)