Dizionari de Lenghe Furlane

flus  flus  [AF]

1. s.m. il movisi e il rivâ di un licuit, di un gas o di alc altri che al puedi vê un moviment lunc e continuât:  chest toc dal flum, di fat […] nol à viodût oparis di regjimentazion dal flus, che al cor libar intun berdei di canâi e isulis di grave (Stefania Garlatti Costa, Tiliment, il Serengeti de Europe centrâl)
   Sin. jentrade , corint² , cors¹ , corentie , passaç
2. s.m. il movisi di personis o di robis, ancje di bêçs e di valôrs:  i flus principâi in jentrade a son pal plui dai turiscj che a rivin de Gjermanie (Attilio Celant, Il rûl economic dal turisim in Italie); tal Nûfcent a scomencin i grancj flus migratoris (Mauro Pascolini, Andrea Guaran, La mont furlane)
   Sin. moviment , corîr¹ , passaç , trafic
3. s.m. (fig.) moviment che al à une cierte dinamiche o inerzie ancje di alc di imateriâl:  un flus di chest amôr al è ancje in jê, e une opare buine e po jessi tornade in tante benedizion (Pieri Somede dai Marcs, Il prossim); finalmentri a rivin chei altris e il flus dai miei pinsîrs si ferme (Checo Tam, La maree nere)
   Sin. moviment , corîr¹ , passaç
4. s.m. [TS] fisiol., med. jessude di licuits dal organisim, ancje in forme patologjiche:  Durì, se a ti vignìs la scaranzie, / la rogne, la levre, e il vuarvuelon; / la coliche, lu flus, e lu madron / […] (Ermes di Colorêt, I, 35); flus di sanc
   
   1. jessude di licuit mestruâl
      Sin. cors¹ , mâl di flus , marchês

Polirematichis e espressions idiomatichis

• mâl dal flus loc.s.m.
• mâl di flus loc.s.m.