trafic
/trà-/
tra|fic
[AF]
-
s.m.
ativitât di vendi e comprâ, soredut cun moviment di marcjanziis ancje di lungje distance:
lis tristis relazions di Vignesie cui imperadôrs no permeterin di inviâ mai un fregul di trafic cu la Austrie (Josef Marchet, Cuintristorie dal Friûl fin sot la Italie)
Sin. negozi
, vendite
, scambi
-
s.m.
ativitât di vendi e comprâ o scambiâ disoneste o imorâl:
tal câs dal trafic di feminis e di fruts par fins sessuâi al coventarès cussiderâ colpevui ducj chei che a pratichin il turisim sessuâl (Luche Nazzi, I sclâfs dal tierç milenari a passin ancje par ca)
Cfr. negozi
, vendite
, marcjât1
-
ativitât disoneste o no ben precisade in gjenerâl:
tal paîs si viodevin cjasis brusadis cence cops, cui trâfs neris impins colâts par dentri, buteghis disvuedadis, trafics di laris e spions (Alan Brusini, Come tai romançs)
-
s.m.
moviment e cuantitât di personis, machinis o robis che si movin o che a passin par un puest:
la strade e jere dute par aiar, che a jerin daûr a slargjâle e a splanâle cui bulldozer. Il fonts al jere dut segnât dai cingui e des ruedis, e a vevin inviât il trafic di une altre strade (Carlo Sgorlon, Prime di sere);
par chê strade il trafic al jere scjars e Ernest al saveve che lant de bande di Berne al varès cjatât pôc moviment fin dongje de citât (Agnul di Spere, In Friûl, nossere)
Sin. circolazion
, corîr1
, daidai
, zîr
-
s.m.
azion o ativitât o procedure che e compuarte dificoltâts, che no si rive a puartâ insom svelte e cun facilitât:
al veve cirût mil voltis di intopâsi cun Lene, massime co la brame lu scjafoiave, ma ogni volte e finive strucje, che la frutate si compagnave simpri cun cualchi amie. Che nissun, ancjemò, no si fos visât di chest trafic, al jere un meracul (Gianni Gregoricchio, Îr e doman)
Sin. imbroi
, truc1
, cefâ
, afâr
, afâr seri
, zîr