circolazion
/-òn/
cir|co|la|zi|on
[CO]
-
s.f.
il lâ ator di int, veicui, dal trafic in gjenerâl, il movisi pes stradis:
il Land austriac dal Tirôl al à dât fûr cualchi befel su la circolazion dai automobii su cualchidune des stradis locâls de regjon, soredut par chês indreçadis a Sud, bande de Italie (Barbara Cinausero, Vonde trafic di turiscj bande de Italie)
-
s.f.
moviment circolâr o plui o mancul circolâr o intune direzion fat di un fluit, ancje e soredut dentri di spazis o condots o sistemis sierâts o vincolâts:
la circolazion atmosferiche e riecuilibre la distribuzion dal calôr su la superficie terestre (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
(par anton.)
il cori dal sanc tal sisteme venôs e arteriôs:
masse sâl al fâs alçâ la pression e cressi il pericul di malatiis dal cûr e de circolazion (Guglielmo Pitzalis, Mangje san 2)
-
s.f.
il cjatâsi ator di prodots, publicazions, monedis, modis, ûs, ideis e v.i.:
29 saçs scuasit ducj za publicâts (cualchidun inte "Vite Catoliche", ma la plui part in sfueis di piçule circolazion) (Raimont di Strassolt, La Europe cjalade cun voi libars);
ancjemò plui interessante e je par nestri cont la testemoneance di une largje circolazion des oparis di Camillo (Mario Turello, Il brevet);
la fase de dople circolazion monetarie talar-euro e sarà cetant curte: a pene une setemane (Alessio Potocco, Zenâr 2007: l'euro al jentre in Slovenie)
Cfr. difusion
, distribuzion
-
(fig.)
ancje il jessi viodût ator, il jessi presint di une persone o di une robe:
voaltris, snacaiôs di prime tose, no podês visâsi di lui, che a saran dibot trente agns che al è scomparît de circolazion (Josef Marchet, Lis predicjis dal muini)