corentie
/-ì-/
co|ren|ti|e
[AF]
-
s.f.
flus di aiar o di aghe:
la Siore e leve di une stanzie a di chê altre cuvierte cun siai e scufis disint che e sintive corentiis di aiar frêt di dutis lis bandis (Alan Brusini, Come tai romançs);
cuant che intal flum e cresseve la aghe fintremai là de roste grande, al bastave dome viarzi la boghe dal mulin, che almancul la corentie no puartave vie tiare (Dino Virgili, La aghe da pît la cleve);
provâ cui che al resisteve di plui cuintri la corentie o cul cjâf sot aghe (Lucio Perès, Tal Cuar)
Sin. arie1
, corint2
-
s.f.
moviment e cuantitât di personis o di robis che a passin par un puest:
la corentie di int, massime marcjadants, che e passave sù o jù pal Cjanâl, vignint dal Friûl o de Carintie e finì cul lassâ il so stamp in chei paîs (Josef Marchet, Cuintristorie dal Friûl fin sot la Italie)
Sin. corîr1
, daidai
, maneç
, messedament
, passaç
-
s.f.
passaç, moviment, flus di cualsisei robe, ancje astrate:
i berdeis de vuere lu àn puartât fin alì cence che lui al capissi un dret, strissinât a sdavàs de corentie des robis (Ivano Urli, Storie di Min);
la scunute e jere simpri alì, […] i faseve cambiâ la corentie dai siei pinsîrs e nol jere bon di lei (Pieri Somede dai Marcs, Il segno)