Dizionari de Lenghe Furlane

marchês  mar|chês  [CO]

1. s.m. [CO, TS] stor. vie pe Ete di Mieç, siôr che al comandave une marcje:  a son rivâts i Francs. E i Francs ce àno fat? A àn creât il marchesât dal Friûl. Parcè marchês e no cont? Parcè no duche? Si dîs marchesât cuant che si met un marchês comandant di une zone di confin, par sigurâ il confin (Francesc Placerean, La nestre storie)
2. s.m. nobil di nivel mancul alt dal duche e plui alt dal cont:  i siei a jerin a metadie sot dai marchês Rosenberg di Prun che, vie pe Basse, a jerin parons di dutis lis tieris fra la Tor e il Lusinç (Gianni Gregoricchio, Trê feminis)
3. s.m. (pop.) mestruazion
   Sin. cors¹ , flus , mâl dal flus , mâl di flus , mâl solit , marcon , mestruazion