tarme
tar|me
[CO, TS]
-
s.f.
entom.com.
non di plui speciis di paveis de famee des Tineidis, in particolâr des larvis che a mangjin diviers materiâi organics:
vistiaris esiliâts da la mode e che vadin cun scandul de miserie a fâsi pascul dei carûi, des tarmis, des surîs e dai laris (Toni Broili, I trucs furlans. Ombre di lunari par l'an 1851)
-
(ancje fig.)
in paragons o metaforis, par dî di cundizion di gnervôs, di sbisie:
al pareve che a vessin vût lis tarmis di no podê stâ fers un lamp e tasê nancje un moment (Pieri Menis, Nadâl ancje par Gjelmin);
si jere jevade dispès par controlâ une robe o chê altre, e veve lis tarmis, no jere buine di stâ cuiete (Jolanda Mazzon, Cungjò Friûl)
Polirematichis e espressions idiomatichis
Proverbis:
- la invidie e je la tarme de fortune