tenarece
/-rè-/
te|na|re|ce
[CO]
-
s.f.
[BF]
il jessi tenar, cualitât di ce che nol è dûr al tast
Sin. tenar
-
s.f.
(fig.)
sintiment o sensazion di afiet, di amôr:
une tenarece infinide e veve scjaldât il spirt e il cuarp glaçâts de femine (Franca Mainardis, A ôr dal flum);
di gno nono Berto jo mi visi la tenarece (Gianni Gregoricchio, Trê feminis)
Sin. afiet
-
spec. tal pl., espression o at di afiet, maniere di fâ amorevule:
le faserin sentâ doprant dute la gracie e lis tenarecis propriis dai fîs (Tarcisio Venuti, La cjase di Toni)
Sin. cocoleç
, arpance
, figot
, figotarie
, figoteç
, freoleç
, garbeç
, gnagheç
, gnagnoleç
, mignagnule
, mignasse
, mignognule
, sfreoleç
-
s.f.
(fig.)
il jessi delicât, mancjance di tension, tristerie, agressivitât, volgaritât e v.i.:
chei voi che ti bagnavin / la muse di turchin / cumò son lâts a mont / e tu ti sês pleade / ta muart / cun tenarece (Maria Forte, Voi tramontâts)