bagnât
ba|gnât
[FO]
-
p.pass., adi.
viôt bagnâ
, viôt bagnâsi
:
al si ferme su la puarte… al è dut bagnât di ploie (Pieri Somede dai Marcs, Un pugn di moscjis);
dai veris spalancâts al jentrave un bon profum di fen, di rosis e di tiere bagnade (Franca Mainardis, Aiar di cjase)
-
adi.
di voli, che al vai, o che al è li li par vaî plen di lagrimis:
al scrivi chestis riis l'à sintût i soi voi bagnâts (Abel Barrionuevo Imposti, La mari emigrante)
Sin. agadiç
, lagrimin
, umit
, vaiarûl
, vaiuç
, vaiulint
, vaiùs
-
de muse, segnade des lagrimis:
si cjatave, cence volê, cu la muse bagnade e il pugn strent cul so pês che nol servive plui a nuie (Maria Forte, Cjase di Dalban)
-
adi.
che al à o che al puarte ploie:
se l'Istât al ven masse sut o masse bagnât, se al jentre il vier tes panolis o i torteons tes cecjis o la paveate tes patatis, nol zove nuie ne vê butât ledan ne spandude «aghe di vite» (Josef Marchet, Lis predicjis dal muini)
Sin. ploiôs
-
s.m.
dome sing., segn, aspiet, sensazion, presince di aghe o di un altri licuit:
al poià la tace sul pic de taule: e fasè un cercli di bagnât su la bree (Dino Virgili, La aghe da pît la cleve);
al torne cul voli viers il bagnât dai cops, lustris di chê rosade tacadice (Franco Marchetta, Madalene)
-
s.m.
dome sing., teren, plan, paviment e v.i. cun aghe parsore:
a cirivin di no tombolâ sul bagnât dal bream (Gianluca Franco, Re Ricart in Friûl)
Polirematichis e espressions idiomatichis
Proverbis:
- il fen co al è bagnât al lasse il sâl tal prât
- il fen se al è bagnât lassilu salt tal prât
- la canicule se e cjate bagnât e lasse bagnât, se e cjate sut e lasse sut
- lune di brume mieze sute e mieze bagnade
- Març sut, Avrîl bagnât, Mai temperât, beât chel che al varà semenât
- miôr jerbe sute che no fen bagnât
- se il draç nol ten aghe, al reste bagnât
- ulîf bagnât, ûfs suts; ulîf sut, ûfs bagnâts