debul
/-è-/
de|bul
[FO]
-
adi., s.m.
che, cui che al à pocje fuarce:
a vevin dome chel, un frut debulin che al cresseve a sfiliot vie, ma biel di muse (Lucia Scoziero, Un fi straordenari)
Sin. basot
, clop
, crevadiç
, crevulîs
, difetôs
, dispossent
, flambot
, flap
, flevar
, lami
, lasc
, lisiç
, malmadûr
, mancjant
, mendôs
, mol1
, ofegât
, pecjôs
, pendolant
, sbols
, smamît
Var. debil
-
che, cui che al à pocje fuarce psicologjiche, morâl, pôc caratar, pocje determinazion e v.i.:
la gnot e je la amie dai debui: al ven a stâ laris, cjocs e int che si insumie cui voi viarts (Alan Brusini, Botonadis);
dome i debui si sintin bessôi. O chei che a sufrissin di "dipendence di afiet". Jo o ami la solitudin: e je la mê libertât (Valentina Pagani, Mauro Corona: L’om des “manère” e de bandane)
-
che, cui che al à pôc podê, ancje economic, che al è plui vulnerabil:
i feudataris si fasin opressôrs dai debui (Redazion SFF, Il Strolic furlan pal 1935);
l'amôr dai umans al è ufindût ogni volte che un om i fâs violence a un altri om, ogni volte che un fuart al folpee un debul (Laurin Zuan Nardin, Renato Jacumin, Bassilla, Udin, 1979)
-
adi., s.m.
che nol funzione ben o che al à alc che nol funzione ben, che al è delicât:
a viodimi nol somee, ma i miei polmons a son plui debui dal normâl (Carli Pup, La bolsa);
i clerics e i predis a erin ducj debui di viste e a puartavin, la pluritât, i ocjâi (Antoni Beline, La fabriche dai predis)
-
adi.
che nol sopuarte sfuarçs
Sin. crevadiç
, crevulîs
-
adi.
che al à pocje intensitât:
il paîs indurmidît, e po al taca il prin motôr / nomo il Bar alle Corriere al à un debul lusôr (Giorgio Ferigo, Dal pruc);
"Mah!" e dîs chê puarete cuntune vôs debule debule che i leve jù pal cuel (Pieri Menis, Lis leiendis di Buie)
Sin. flap
, lizêr
, pôc
, flevar
-
adi.
(fig.)
che al à pocje fuarce, pôc valôr, pocje incisivitât in cualsisei sens figurât:
e je une leç masse debule, no vês vût avonde coragjo (Dree Venier, Gjornalisim ladin, la cunvigne);
tieris debulis par numar di abitants o par cuantitât di risorsis (Antoni Beline, Benetton: i colôrs de prepotence)
Sin. lami
, flap
-
s.m.
dome sing., preference personâl une vore fuarte:
stant che e cognosseve il debul di mestri Pieri, [la mari e veve garantît] che tal presentâsi a vore, al varès spacât il minût (Roberto Ongaro, Il muc);
mo je triste, ma e à chel debul, di sei simpri plui grande di ducj… (Maria Forte, La tiere di Lansing)
Sin. preference
, predilezion