Dizionari de Lenghe Furlane

contignût  con|ti|gnût  [FO]

1. p.pass. viôt contignî viôt contignîsi
2. adi. che al è dentri
   Sin. tignût dentri
   
   1. che al è tune sostance:  si à di fâ atenzion al sâl contignût intes mangjativis confezionadis (Guglielmo Pitzalis, Mangje san 2); la nicotine contignude intai spagnolets, insiemi a fatôrs di nature psicologjiche e sociâl, e costituìs l'ostacul principâl par molâ di fumâ (Guglielmo Pitzalis, Stude i spagnolets!)
   2. di teme, argoment, nozion e v.i., che al è presentât, pandût intun test, intune comunicazion e v.i.:  pe normazion dal lessic si è previodût cu lis decisions dal Olf dal an 2000, contignudis in "La grafie uficiâl de lenghe furlane" (Adrian Cescje, Memoriis di politiche linguistiche)
      Sin. tignût dentri , cjapât dentri
3. adi. di sintiment, sensazion e v.i., che al ven tignût dentri, cence fâlu capî o fâlu pesâ masse su chei altris:  ce diviers il dolôr contignût di so pari, un dolôr di om. Lui invezit nol podeve stratignîsi, il mont i jere mancjât sot i pîts. Ce ise la muart? Parcè? (Alan Brusini, Par stradis lungjis); sot di cheste aparence, par altri, al jere dut un 'siminâ di sintiments, di desideris, di sperancis; in ogni cjase, sot la cinise de pazience, dal rassegnât adatâsi, a ardevin lis boris dal contignût spietâ (Roberto Ongaro, Cretevierte)
4. adi. di alc che al pues jessi misurât, valutât e v.i., che al à un valôr medi o bas, che al à pocje intensitât e v.i.:  cualchi altre cjosse di un valôr mercantîl contignût e cuntun valôr di ûs relatîf (Fabian Ros, Eivissa mon amour)
   Sin. bas , controlât , moderât , piçul , staronzât , stratignût
5. s.m. ce che al è dentri di alc, soredut dentri di un recipient:  si fermarin dongje di un taulon li che al podeve viodi une borsete cun sparniçât daprûf dut il contignût (Fabian Ros, Un piçul particolâr); i rescj vegjetâi […] si puedin studiâ ancje analizant […] il contignût dal stomi di mumiis o di cadavars (Andrea Pessina, Gaetano Vinciguerra, La preistorie in Friûl)
6. s.m. argoment, nozion, narazion e v.i. che e je dentri di un test, di une comunicazion, di une opare e v.i.:  Inte traduzion, in plui di cirî di rindi i contignûts dal test e lis diviersis carateristichis formâls, si à tignût une vore cont di chestis struturis [metrichis e formâls] (Sandri Carrozzo, Pierluigi Visintin, Jentrade de Odissee); la lenghe furlane e pues jessi metude in cundizion di esprimi ancje contignûts "alts" (Linda Picco, Ricercje su la condizion sociolenghistiche dal furlan); "La plovisine" (…): une des lirichis tra lis plui cognossudis di chest autôr, dulà che o cjatìn ispirazion, espression, contignût e forme (Roberto Iacovissi, Pieri Çorut)
   Sin. argoment , idee , materiâl , materie , sostance , teme²