injù
in|jù
[FO]
-
av., adi.inv.
viers il bas:
une grande flame cidine, blancje, cence lusignis, si slungjave sù pe bocje nere de nape che e someave une grande scudiele voltade injù (Pieri Menis, Il pignarûl);
La Basse si tirà il façolet plui injù sul cerneli, ma dopo lu tornà a tirâ insù cuntune lusigne di idee tai voi (Dino Virgili, Il cjaruç dai Bas)
-
viers Sud:
a vignivin di un paîs dongje di Niš. Laurinç nol jere mai stât plui injù di Belgrât, ma si figurave chel puest: Kragujevac e daspò Niš, lis monts, la valade de Morava (Agnul di Spere, In viaç di domenie);
doma il distin al guida il Turc; al pos passâ par ca, coma pi injù, par Sant Zuan, e coma pi insù, par Valvason (Pier Paolo Pasolini, I Turcs tal Friûl)
-
de bande che e cor la aghe:
a puartavin a masanâ intun mulinut plui injù, di ca da la aghe, là di Molâr (Dino Virgili, La aghe da pît la cleve)
-
par segnâ la direzion, viers il bas o meridion e v.i., dopo di un ciert pont di riferiment:
paralizât de vite injù, al scugne stâ dut il dì devant dal schermi a viodi documentaris, films e notiziaris (Checo Tam, Mors tua, vita mea)
-
av., adi.inv.
a nivel bas:
la storie e insegne che un popul, cuant che al è rivât a chest pont e che plui injù di cussì nol po lâ, o che al mûr o che al jeve sù (Josef Marchet, Sul ultin scjalin)
-
av.
distant, di une cierte bande, ancje in maniere gjeneriche cence un sens che al sedi viers il bas, viers Sud o sim.:
o cjapi vie "del Lavoro" e o passi dret denant de CAMIN. O voi plui injù, dulà che une stradute di braide e fâs il zîr par daûr (Igor Londero, Delit in vie del Lavoro)
Sin. inlà
, indevant
, indenant
, insù
, dilunc
Polirematichis e espressions idiomatichis
Proverbis:
- al tocje di lassâ lâ la aghe injù e il fum insù
- bisugne lassâ lâ la aghe injù e il fum insù
- dai cops injù tu sâs ancje tu, dai cops insù dome il Signôr
- injù ogni sant jude; insù nissun no si impace
- la aghe e va injù, il fum insù e la fortune par traviers
- lasse che il fum al ledi insù e la aghe injù
- lasse lâ la aghe injù e il fum insù