Dizionari de Lenghe Furlane

insù  in|sù  [FO]

1. av. de bande alte, in alt:  la int a passavin par strade, a cjalavin insù tal to barcon (Dino Virgili, La aghe da pît la cleve); par fevelâi a Eliseo al pleave dibot la schene e al voltave la muse insù, come se al ves vude la stuarte di cuel (Carlo Sgorlon, Prime di sere)
   Sin. sù , adalt , in alt
   Cfr. di sù , par sù , sore , disore , parsore
   
   1. adi.inv. che al è o che al va adalt o che al à une forme che e va adalt:  jo no jeri mai stada par li vili insù (Novella Cantarutti, "Uta, Ututa improntiti"); chê sô muse inteligjente cun chel nasut insù (Alan Brusini, Come tai romançs)
   2. av., adi.inv. (fig.) a nivel alt intune scjale jerarchiche, di valôrs, intune classifiche e v.i.:  a jerin stâts valorôs cjapitanis, o avocats, o nodârs, o int di glesie une vore insù (Carlo Sgorlon, Il dolfin)
2. av., adi.inv. te direzion contrarie a chê che e cor une aghe:  plui insù, di là da la aghe, al jere il Mulinarat (Dino Virgili, La aghe da pît la cleve)
   Sin. sù
3. av., adi.inv. de bande setentrionâl:  la aghe dal sfont e duar cence siums, une volte i cjars dai gjarmaniots, lant insù, si cjalavin in chel spieli (Dino Virgili, La aghe da pît la cleve)
   Sin. sù
4. av., adi.inv. (coloc.) a une cierte distance, ancje in sens gjeneric:  une ciale e scriçave l'aiar incantesemât de plagne, la roie plui insù e murmuiave a planc, e in lontanance la musiche dai falcets tai solçs, e dute la campagne e buiave te plombe ferme dal soreli - come un misteri gnûf (Dino Virgili, La massarie)
   Sin. injù , inlà
5. av. parsore o dopo di un ciert pont di riferiment, tal spazi, tal timp, o ancje astrat:  a rivarin i cosacs […] il Friûl, di Udin insù, ur al prometerin se a scombatevin cuintri i partigjans a pro dai todescs (Francesc Placerean, Cuintristorie dal Friûl dal 1866 fint in dì di vuê); nol veve mai vût un franc te sachete, di frut insù (Meni Ucel, I colaçs); numars dal sîs insù (Gianni Gregoricchio, Trê feminis)
   Sin. inlà

Polirematichis e espressions idiomatichis

• cui pîts insù loc.av., loc.adi.inv.
• cul cûl insù loc.av., loc.adi.inv.
• di frut insù loc.av.
• di rive insù loc.av., loc.adi.inv.
• lassâ cori la aghe injù e il fum insù loc.v.
• par insù loc.av., loc.adi.inv.

Proverbis:

• al tocje di lassâ lâ la aghe injù e il fum insù
• bisugne lassâ lâ la aghe injù e il fum insù
• dai cops injù tu sâs ancje tu, dai cops insù dome il Signôr
• dai cops insù nissun nol à misurât
• fin al zenoli ogni voli, dal zenoli insù nome jo e tu
• injù ogni sant jude; insù nissun no si impace
• l'om si misure dal stomi insù
• la aghe e va injù, il fum insù e la fortune par traviers
• lasse che il fum al ledi insù e la aghe injù
• lasse lâ la aghe injù e il fum insù