Dizionari de Lenghe Furlane

disore  /-ó-/  di|so|re  [FO]

1. prep., av., adi.inv. in posizion alte su alc o a pet di alc, cun o cence contat:  il Tiliment nol è chel che al cor jenfri lis dôs rostis, ma al è il sanc, la tiare e il clap che a corin pardut, disore e sot, pardut! (Stiefin Morat, Donald dal Tiliment); la lune e slusive disore di lôr (Fabian Ros, Un piçul particolâr)
   Sin. insom , su¹ , sù , sore , parsore , adalt
   
   1. ancje par segnâ la posizion suntun o intun supuart di scriture, piture e v.i.:  al tirà fûr une cartele zale li che disore si viodeve une scrite stampade in rilêf (Fabian Ros, Un piçul particolâr)
   2. ancje par segnâ une posizion di anterioritât intun test:  chês banalitâts che si à fevelât chi disore (Meni Ucel, Misure)
      Sin. sore , parsore , prime¹ , prin , adalt
2. prep., av., adi.inv. (fig.) in posizion plui alte in prioritât, jerarchie, responsabilitât, control, domini, disponibilitât economiche e v.i.:  une figure centrâl, uniche e disore di dutis chês altris: un monarcje assolût (Fabian Ros, La invenzion dal stât); no ai un artist che mi plasi disore di ducj (Valentina Pagani, Il mestri dal orôr furlan)
   Sin. su¹ , sù , sore , parsore , adalt
3. prep., av., adi.inv. par segnâ une posizion a nivel, altece o altitudin superiôr:  cuntune bachete di noglâr, atent, di une sole menade, batêt parsore [la cjamese]… batêt tant che o volês, ma no disore la fassete (Pieri Menis, Vigji il cuintribandîr)
   Sin. su¹ , sù , sore , parsore , adalt
   
   1. par segnâ une posizion plui setentrionâl:  subit disore Polcenic e je une cjasute tal mieç di un bosc (Dino Virgili, Un riul tra Venit e Friûl); "Ma parcè no fasino passâ la stradedisoredai roncs?" (Alviero Negro, La cjase)
   2. par segnâ une posizion plui a mont, ancje maiusc. in toponims e microtoponims:  su la strade dal Borc Disore, il cjasâl dai Cucs al tarlupe jenfri i pôi dal riul (Dino Virgili, La division); pai crets travane / cun cualchi sfuarç / une fontane / disore Tiarç (Toni Broili, Il viaç in Arte a la aghe pudie 5 Lui 1845)
   3. tal plan alt di un edifici:  "No tu viôts, no? che al ven sù timp? Cor a siarâ i scûrs, disore! Spessee! ma spessee!" (Ercole Carletti, Mariute); al veve tacât a baiâ par dopo scjampâ vie come un mat tes cjamaris disore (Checo Tam, La strie)
4. av., prep. par introdusi un complement di argoment:  si veve svicinât aes posizions dal partît di Bossi cence tant pensâ disore (Max Mauro, Un Friûl difarent: i 90 mhz di Onde Furlane)
   Sin. su¹ , sù , sore , parsore
5. prep., av., adi.inv. par segnâ un limit di numar, cuantitât, misure, valôr e v.i.:  une durade no disore di un an (Anna Bogaro, Esperience OLF: i erôrs di evitâ)
   Sin. sore , parsore , oltri , plui inlà , plui inlà di , di là , di là di
6. s.m.sing. part alte, zone alte, part di alc che e je adalt:  a i ere sucedût che dal disore a vevin rodolât un çoc (Marlino Peresson, Il bosc al da simpri alc e nol domande nuie)
   Sin. parsore , sore

Polirematichis e espressions idiomatichis

• lâ disore loc.v.