inferiôr
in|fe|ri|ôr
[AF]
-
adi.
che al è plui in bas, che al sta sot:
chestis dôs ultimis struturis [cerebrâls] a fasin part dal lobi parietâl inferiôr (Giacomo Rizzolatti, Laila Craighero, Speculazions su la origjin dal lengaç)
-
adi.
plui bas par altece, grandece, durade, cuantitât, intensitât, impuartance, jerarchie, valôr e v.i.:
soluzions alternativis e cuntun impat ambientâl inferiôr (Sandri Olivetto, La dibisugne di une gnove educazion ambientâl);
films di finzion di une durade inferiôr ai 20' (Fabian Ros, Mostre dal Cine Furlan: bant de IX edizion);
la Serenissime e à simpri doprade la politiche di tratâ i furlans tant che une sdrume di puare int di raze inferiôr (Josef Marchet, Sudizion, la pecje dai furlans)
Sin. minôr
Cfr. piês
, sot
, disot
, daûr
, sotan
, mancul
-
s.m.
cui che al è tun scjalin jerarchic plui bas:
la subordinazion consist ne la ubidiença assoluda, la cuâl ogni inferiôr l'è obleât di osservâla cuintra ogni superiôr par il ben del servizi (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
adi.
[TS]
gjeogr.
de part di un flum che al è plui dongje de fôs
Sin. bas
-
di une regjon, che e je a altitudin plui basse
Sin. bas
, disot
-
che al è plui a Sud:
ne la Italia inferiôr, vâl a dî viars Napoli, jerin prima i Peligns […] (Federigo Comelli, Il me paîs)
Sin. meridionâl
, bas
, bassarûl
, disot
-
adi.
[TS]
scol.
di cors di scuele, che al è pai arlêfs plui zovins:
Toni Dugon l'à scomençât a fâ la prime inferiôr, sot il mestri Maurich (Giovanni Gortani, Trê Rafaei in jerbe);
progjets pensâts pes scuelis mediis inferiôrs e superiôrs (Federica Angeli, ARLeF, si siere un cicli)
-
adi.
[TS]
stor.
te Rome antighe, di part teritori o di provincie, plui lontane di Rome
-
adi.
[TS]
gjeol., paleont., paletnol.
di une ete o di un strât, che al corispuint a un periodi plui antîc:
chescj calcârs a rivin a vê un spessôr di plui o mancul 50 m te Lovinçole e a son de part superiôr dal Jurassic inferiôr e de base dal Jurassic medi (Francesco Gobbo, Gjeologjie e paleontologjie ator di Preon)
