piês
pi|ês
[FO]
-
av.
in maniere plui negative, in cundizions plui negativis:
cualchidun al rugnive che il stât talian nus tratave piês di une colonie africane (Francesc Placerean, Cuintristorie dal Friûl dal 1866 fint in dì di vuê);
siore Lise e restà avilide e Faustin piês (Maria Forte, Cjase di Dalban)
-
adi.inv.
plui brut, plui trist, plui negatîf, cun mancul cualitâts e v.i.:
no crôt che in chest mont al sedi un lancûr piês di chel ca (Gianni Gregoricchio, Trê feminis);
stant che si jere ducj sotans, metadiaris o afituâi, la piês disgracie e umiliazion che e podeve capitâ e jere co il paron, il siôr, il cont al mandave il sfrat (Roman Michelot, La cjase dai contents)
Sin. peiôr
-
s.m., s.f.
cun valôr neutri, la cjosse plui negative:
fuarce, fantats, che il piês al è passât! (Roberto Ongaro, Il muc);
trê parts a 'ndi dîs [di rosari]; e lis dîs cussì adasi! E la piês, cuant che infin al finìs, e che Neto al sta passintsi di flât par bordâ pari e mari de Bete par dîur ce che al veve di dîur, chel demoni di vieli al impon: «Lait a pognisi, mo» (Meni Ucel, Rosaris)
Polirematichis e espressions idiomatichis
Proverbis:
- cjale chei piês di te e tu sarâs content
- cuant che si scomence mâl, si finis piês
- cui che al refude pan al è piês di un cjan
- cui che al scomence mâl al finìs piês
- Diu nus vuardi di piês che mâl a 'nd è avonde
- e je brute la miserie, e je piês la bondance
- Fevrarut: piês di dut
- i stiçs a son piês des boris
- il pôc al è dibot piês che no nuie
- l'ultin mâl al è il piês di ducj
- la cise mâl vignude e je piês che no metude
- la cjoche dal pan e je piês di chê dal vin
- la miôr e la piês robe e je la peraule
- la ricjadude e je piês dal mâl
- mâl par cui che al va, piês par cui che al reste
- mâl par cui che lis da, piês par cui che lis cjape
- miôr cussì che no piês
- no si à mai di lamentâsi di vuê parcè che doman al po jessi piês
- nol è mai piês che scugnî
- plui si mude e piês al è