Dizionari de Lenghe Furlane

minôr  mi|nôr  [AF]

1. adi. plui piçul par dimension, volum, cuantitât, etât, intensitât, impuartance e v.i.:  chês cunvignis a gno viodi a puedin sei finanziadis ancjemò, pûr che a impegnin une part minôr des risorsis a disposizion (Adrian Cescje, Memoriis di politiche linguistiche); si à dopleât il concet di Patrie, intune plui piçule, duncje minôr e inferiôr, che e à di lotâ e di sacrificâsi pe Grande Patrie (la Italie) (Sandri Carrozzo, La colonie); i inteletuâi a tignivin il teatri par une forme artistiche minôr (Luca Zoratti, Il teatri par furlan)
2. adi., s.m. che, cui che nol è te etât maiôr e che duncje nol è intal stât legâl di fâ ats juridics e al è sot de autoritât dai gjenitôrs o di un tutôr:  chest al è un secuestri di persone, par di plui di minôr (Sandri Di Suald, Ah! la provincie)
   Sin. minôr di etât , pupil
3. adi., s.m. mus. di interval, che rispiet al maiôr al à un semiton di mancul
   
   1. di un acuardi perfet, che al è formât di une tierce minôr e di une tierce maiôr
   2. di une scjale, che e à il tierç grât in minôr rispiet al grât fondamentâl
   3. di mût, che si fonde su di une scjale minôr
4. adi., s.m. viôt frari minôr