pupil
/-ìl/
pu|pil
[CO]
-
s.m.
cundizion di cui che, no jessint maiôr di etât, al è sot de tutele di une persone adulte, responsabile ancje de aministrazion dai siei bens:
il predi ma lafè no che nol varès maridade une frute che no jere fûr di pupil (Ivano Urli, Storie di Vera)
Sin. pupilance
-
(fig.)
tutele paternalistiche:
i talians de «milenarie civiltât» a àn ancjemò dibisugne di restâ sot pupil, tes ruedis sapientissimis dal mulignel centrâl (Josef Marchet, Ai beduins sì a noaltris no)
-
s.m.
[BF, TS]
dir.
minôr di etât metût sot tutele par vie che al è vuarfin o che i gjenitôrs no àn plui la patrie potestât:
definî lis «cundizions (temporaniis) di necessitât (o no)» che i citadins forescj a puedin cjatâsi (pupii forescj no compagnâts, traficâts, in spiete di asîl, […]) (Redazion La Patrie dal Friûl, Ducj i colôrs dal Friûl)
-
s.m.
[BF]
cui che al gjolt di une predilezion particolâr:
Jacumin al jere il pupil di cjase par vie che al jere nassût daspò sîs frutis (Tarcisio Venuti, Storiutis di paîs);
o jeri il so pupil, il prin mascli di une schirie di nevôts (Lucio Perès, Gno nonu, il "storic")
Polirematichis e espressions idiomatichis