mancul
/-à-/
man|cul
[FO]
-
av., adi.inv., pron.
in cuantitât, misure o grât plui bas, al forme il comparatîf di minorance, ancje cun chel altri tiermin sotintindût:
chel altri progjet al jere mancul clâr, nol veve ancjemò une imbastidure (Franca Mainardis, Il sium di Lissandri);
la plui part e capìs e e fevele furlan, pôcs lu lein e inmò mancul lu scrivin (Erika Adami, La promozion de lenghe furlane sui mass media);
al mangjave mancul di un uciel (Pieri Menis, Il miracul dal plevan di Trep);
in mancul di un cuart di ore al jere za tornât sul puest (Roberto Ongaro, Cretevierte);
mi displâs che usgnot, par vie dai cavalîrs o dal sorc di ledrâ, o sin culì in mancul dal solit (Josef Marchet, Lis predicjis dal muini);
mancul scriture e je e mancul bausiis a stan (Riedo Pup, I furlans e i gjornâi)
-
av.
daûr di un articul definît o di un dimostratîf e denant di un adietîf al forme il superlatîf relatîf di minorance:
il gno paîs al è un paîs tra i mancul impuartants, tra i mancul che si dan aiars, tra i plui minûts dal Friûl (Meni Ucel, La "Fieste dai Roncs")
-
prep.
mat.
al indiche la operazion de sotrazion:
dodis mancul cinc al fâs siet
Sin. gjave2
, vie
-
simbul che al rapresente chê operazion:
la gjeometrie dal spazitimp e je minkowskiane, al ven a stâi la metriche no je positive ma e à segnadure (-, +, +, +) - il mancul al corispuint […] a la dimension "timp" (Sergio Cecotti, Teologjie algjebriche)
-
prep.
al pant il gjavâsi di cualsisei entitât di une altre:
al veve calcolât di rivà sul puest tor nûf e in fat, a nûf mancul un cuart, al passave dongje de cjase di Italico (Roberto Ongaro, Il muc)
-
adi.inv.
tes votazions di scuele al pant une valutazion a pene plui basse:
cjapâ siet mancul
-
adi.inv.
te misurazion de temperadure, al segne i valôrs sot dal zero:
si vise dome dal segn sul termometri picjât li vicin: mancul 34 grâts (Cristina Noacco, Faliscjis)
-
prep.
par introdusi une ecezion:
e comprà il mâs di Cleve: dute la cueste maladete, mancul chel cjamp da pît, dongje la aghe, che al jere dai Burins (Dino Virgili, La aghe da pît la cleve)
Sin. fûr che
, gjavant
, gjavant che
, gjavât
, gjavât che
, gjave2
, gjave che
, mancul che
-
s.m.
dome tal sing., la robe minime:
o domandìn che l'ordenament autonomistic che nus vignarà dât, al rispieti il furlan, che i permeti di mantignîsi e di confermâsi, che lu favorissi. […] Chest al è il mancul che si puedi pretindi intun ordenament autonomistic (Josef Marchet, Autonomie e lengaç)
-
la robe mancul impuartante:
culì al è lât dut cui pîts par aiar, e nol è nuie ce dî se il lunari al va ancje lui cul cjâf injù. Chel al è il mancul! (Josef Marchet, Lis predicjis dal muini)
Polirematichis e espressions idiomatichis
Proverbis:
- bisugne spindi simpri un solt di mancul di chel che si vuadagne
- cui che al pretint di savê plui, al sa mancul
- cui che nol cjate bêçs tes sôs sachetis int cjate mancul in chês di chei altris
- cui che nol paie il pôc al paie mancul il trop
- cui che nol ten cont dal so, mancul di chel di chei altris
- cui che plui al bêf mancul al bêf
- cui che plui al dîs mancul al fâs
- cui che plui al sa mancul al sa
- cui che plui al spint mancul al spint
- fat il plui si fâs ancje il mancul
- il diaul al sta là che mancul si crôt
- il jeur al sta là che mancul si crôt
- mancul al sa cui che plui al crôt di savê
- mancul peraulis e plui fats
- mancul robe e plui non
- mancul si sa e plui ben si sta
- mancul siôr e plui bêçs
- o plui fen o mancul cjavris
- o plui fen o mancul nemâi
- o plui fen o mancul pioris
- plui a 'nd è e mancul a pesin
- plui ind mûr e mancul ind reste
- plui si è, mancul si fâs
- un plat di mancul e un lusôr di plui
