Dizionari de Lenghe Furlane

gjavât  gja|vât  [AF]

1. p.pass., adi. viôt gjavâ , viôt gjavâsi
2. adi. cun valôr di prep., par introdusi une ecezion, une esclusion:  Valerie e jere la imagjin de dolcece, de gracie, de delicade bontât e po, gjavât chel difiet che, puarete, no veve nissune colpe di vê, e jere ancje biele (Roberto Ongaro, Il muc); cjapìn la cuistion de lenghe furlane a scuele. Gjavât cualchi fassiston a diestre e cualchi statalist a çampe, a son pôcs chei che, in linie di principi apont, no sedin dacuardi (Dree Valcic, Principi e sostance)
   Sin. gjave² , gjavant , fale¹ , infûr di , infûr che , fûr che , fûr di , gjavant che , gjave che , fale che , salf , salvant , a ecezion di
3. adi. [BF] che al risalte, che si impâr par jessi diferent:  li pinii dai fassalets butâts sù in cima il cjâf colm di streci, a zovavin a dâi un estru galandin e gjavât (Novella Cantarutti, La femina di Marasint)
   Sin. distint , diferent , diviers , particolâr , speciâl