Dizionari de Lenghe Furlane

lâ al mancul    [AF]

1. loc.v. ridusisi di cuantitât, di intensitât, di valôr e v.i.:  Udin duncje, l'an passât, al è calât di 535 animis. E ancje dal '82, e dal '81, e dal '80 il moviment al è stât, pôc su pôc jù, li ator. Ogni an Udin al va al mancul (Riedo Pup, Murî di fam cui camarins plens); il soreli al scomparì daûr lis schenis verdis des montagnis e lis ombris si sfantarin a planc. Tal aiar e jere come une lûs cjalde, rossite, che e leve al mancul (Carlo Sgorlon, Il dolfin)
   Sin. calâ , diminuî , ridusisi , sbassâsi , cangjâ
2. loc.v. soredut di persone viele o malade, deventâ plui debil, svicinâsi ae muart:  i agns a van, e lis fuarcis cui agns. No tu volarâs mighe dîmi che lis fuarcis a cressin cul timp a lâ. Di dì in dì si va al mancul (Meni Ucel, Anzianitâts)
   
   1. ancje di robe, struture, proprietât e v.i., ruvinâsi, soredut pal passâ dal timp e pe mancjance di curis:  di cuant che e murì chê biade femine, la cjase, cetant viere, e fo lassade lâ al mancul (Lucio Perès, La strie); «Si capìs, ve, che il lûc nol è chel di une volte, e la braide e va al mancul. Cui fâs? Cui lavore? Jê, nuie, e jo alc» (Meni Ucel, La visite dal vescul)

Components:

• lâ v.intr., s.m.sing.
• mancul av., adi.inv., pron., prep., s.m.