ridusisi  /-ù-/  ri|du|si|si  [CO]

  1. v.pron.intr. lâ di une cierte bande, soredut cuntun moviment che si pues calcolâ in cualchi maniere indaûr:  un pôc a la volta, dut il miôr [de int di Grau] si ridusè a Vignesia (Federigo Comelli, Il me paîs)
    Sin. ritirâsi , tirâsi
  2. v.pron.intr. deventâ plui piçul, curt, bas, scjars e v.i.:  cul ridusisi dal nucli familiâr si fasin plui piçui ancje i spazis de condivision e de socializazion (Linda Picco, La cjase furlane: dal fogolâr ae postazion pal computer); lant indaûr tal timp o vin un univiers simpri plui piçul fin a ridusisi a un pont (Sergio Cecotti, Teologjie algjebriche)
  3. v.pron.intr. finî par vê ciertis carateristichis o par jessi in ciertis cundizions, in gjenar negativis:  in pôc timp a si ridusè che faseve specie: secje come un cantin (Luigi Gortani, Meni Fari); "Ce ocorevial che les tal ort cumò, par sporcjâsi di tiare, impantanâsi lis scarpis e ridusisi come une sdavasse?" (Vittorio Vittorello, A ogni cost)
  4. v.pron.intr. vê une limitazion, une estension, une metude in vore, une impuartance e v.i. limitade:  la sô compassion pai gjats si riduseve a chest, che viers la ore di misdì, [...] tel so palaç e si deve tratament a ducj i gjats di Calle longa (Giovanni Gortani, Gjats spiritâts)
  5. v.pron.intr. [TS] di un compost chimic, pierdi un o plui atoms di ossigjen
  6. v.pron.intr. [TS] gastr. di sostance licuide o semilicuide, pierdi aghe cul cueisi e deventâ plui concentrade e plui fisse
    Sin. ristrenzisi , strenzisi
Proverbis:
  • cui che i insegne al mus a butâ jù il sac e a mangjâ la farine si ridûs a dovê lâ a mulin bessôl