Dizionari de Lenghe Furlane

tirâsi  ti|râ|si  [FO]

1. v.pron.tr., v.pron.intr. tirâ alc di se stes, par se stes, intorsi, in maniere mutuâl e v.i.:  e jù dutis a vaî e tirâsi i cjavei (Alan Brusini, Amîs come prime); il zovin si tirà su la spale il sac (Dino Virgili, La aghe da pît la cleve); si pacavin, si corevin daûr, si tiravin claps, a fasevin a bracis (Meni Ucel, Il muini)
2. v.pron.intr. jentrâ in tension:  la brene si tirà a colp e i cjavai a zirucarin di un pas (Dino Virgili, Pôre tal nuie…); cjapâ il folp pal cjâf e tocjâlu ta la aghe di bol, lassâlu dentri cualchi secont e tornâ a tirâlu sù. Si viodarà che in cheste maniere i tentacui si tirin (Sandri Carrozzo, Polbo á feira - Folp a la galiziane)
3. v.pron.intr. lâ di une cierte bande:  jo e la mê femine si jerin tirâts sul borc e o stavin sentâts cu la nestre int su la piere dal gno puarton a fâ cuatri cjacaris (Pieri Somede dai Marcs, Gnot clare gnot scure); e conte la liende che il re Alboin, rivât daûr di Cividât, al si tirà parsore di une mont a studiâ lis posizions (Josef Marchet, Cuintristorie dal Friûl fin sot la Italie)
   Sin. movisi , lâ , puartâsi
4. v.pron.intr. (zerg.) vistîsi, preparâsi in maniere une vore atente ae mode

Polirematichis e espressions idiomatichis

• tirâsi de bande loc.v.
• tirâsi dentri loc.v.
• tirâsi di bande loc.v.
• tirâsi dongje loc.v.
• tirâsi fûr loc.v.
• tirâsi impins loc.v.
• tirâsi in bande loc.v.
• tirâsi in cjase loc.v.
• tirâsi indaûr loc.v.
• tirâsi intor loc.v.
• tirâsi la cengle loc.v.
• tirâsi pai cjavei loc.v.
• tirâsi pai dincj loc.v.
• tirâsi sot loc.v.
• tirâsi sot de plete loc.v.
• tirâsi sot la plete loc.v.
• tirâsi sù loc.v.
• tirâsi sù lis maniis loc.v.