Dizionari de Lenghe Furlane

tirâsi indaûr    [BF]

1. loc.v. slontanâsi lant indaûr:  si tire indaûr par cjapâ la fotografie de statue (Arturo Feruglio, Viaç a Vignesie); si vierç a planc la puarte, al si presente Zuan, ducj si tirin indaûr (Pieri Somede dai Marcs, Resurezion a Pontinie)
   Sin. cessâ indaûr , lâ indaûr , ritirâsi , zirucâ , cessâ
2. loc.v. (fig.) lassâ o no acetâ di fâ alc, di frontâ alc, di jessi intune cierte situazion e v.i.:  "Par lui no mi soi tirade indaûr di nissun pericul, no ai pensât mai aes cjacaris de int…" (Ercole Carletti, Mariute); e po jù te sale polichis e mazurchis cun armonighe e liron e i balarins a 'nd erin di ogni etât, che a Carnevâl ancje chei no si tiravin indaûr (Jolanda Mazzon, Fûr di timp); ogni volte che la cuistion da la autonomie furlane e da une sflamiade, i umign che a rapresentin la vôs dai partîts grancj e piçui, a spessein a tirâsi indaûr, a meti risiervis, a lavâsi lis mans, a gjavâsi des responsabilitâts (Josef Marchet, Di bessôi)
   Sin. ritirâsi , lassâ , molâ , scjuvîsi , sghindâsi , rinunziâ , refudâ , gjavâsi

Components:

• indaûr av., inter., adi.inv.
• tirâsi v.pron.tr., v.pron.intr.