refudâ
re|fu|dâ
[FO]
-
v.tr.
no acetâ, parâ indaûr:
sul moment, Lissandri al veve pensât di refudâ l'invît (Franca Mainardis, Il sium di Lissandri);
al sucedeve che ducj a fasessin lis stessis voris plui o mancul tal stes timp. Eliseo al scugnive refudâ un slac di lavôrs (Carlo Sgorlon, Prime di sere);
e jo no, no pensi nuie / di vô bulo cortesan / o ai in cûl la vuestre entrade / us refudi il vuestri pan (Popolâr, E jo no, no pensi nuie)
Sin. dineâ
, mandâ indaûr
, neâ1
, parâ indaûr
Var. arefudâ
, rifudâ
, arifudâ
-
no acetâ tant che morôs o no acetâ di maridâ:
e veve refudât tancj di lôr […]. Sô mari si cruziave e i vosave cuant che a jerin di bessolis (Maria Forte, La fie çuete)
-
no tratâ ben, no volê ben o no fâ sintî amât:
chê istesse frutate, cjapade dal disconfuart di jessi refudade [de mari dal morôs], si dreçà intun colp di amôr propri (Gianni Gregoricchio, Trê feminis)
-
(fig.)
ancje di subiets inanimâts, no tignî, no cjapâ, no jessi adatât a une ativitât, a une sostance e v.i.:
al jere un lavôr mostro a tignî nete chê tutubie e a dâ une man di blanc a chei mûrs di cjalin, che lu refudavin (Maria Forte, La tiere di Lansing)
-
v.tr.
no sopuartâ, no tolerâ o no volê rassegnâsi:
dut chest jo lu sintivi cu la anime. Il cerviel lu refudave (Gianni Gregoricchio, Trê feminis)
Sin. dineâ
-
v.tr.
no concedi:
se la centrâl e rive adore di tignî dûr e refudâ ogni concession a dutis lis regjons di dentri, al è plui facil che si adati a molâ la brene a chês dôs o trê plui fûr di man (Josef Marchet, M la autonomie);
nissun i refudave la caritât (Pieri Menis, Il Signôr sul mûr de braide)
Sin. dineâ
-
v.tr.
(ancje fig.)
sburtâ, menâ cun fuarce:
Linda a tornà dongja par simpri, […] a rivà a cjasa che nissun la spetava e a na ze pi via. E nissun al savè ce borascja che a la refudà incà, ta la nestra vila (Novella Cantarutti, Linda e il re)
Proverbis:
- cui che al refude pan al è piês di un cjan