Dizionari de Lenghe Furlane

mandâ indaûr    [AF]

1. loc.v. fâ che cdn. o alc al ziruchi o che al ledi intune posizion daûr di altris:  jê [di scuelarie] e jere stade mandade indaûr, te ultime rie (Jolanda Mazzon, Di là de rêt)
2. loc.v. fâ che alc al torni a cui che lu veve mandât o dât:  us prei di lei il stampon di document che us mandi, di mandâmal indaûr cu lis vuestris zontis (Adrian Cescje, Memoriis di politiche linguistiche)
   
   1. fâ che cdn. al torni li che al jere:  se tu âs di jentrâ cuntun cjar di ledan in citât, no tu puedis: ti fermin e ti mandin indaûr (Riedo Pup, I furlans e il ledan)
3. loc.v. fâ che alc nol ledi indevant intun procediment, intune trafile e v.i.:  il Statût al rive in Tribunâl pe regjistrazion. I funzionaris che lu cjapin in esam lu mandin indaûr al mitent cu la justificazion che "lo scopo ed oggetto" de societât a saressin in contrast cu lis finalitâts di une societât cooperative (Max Mauro, Un Friûl difarent: i 90 mhz di Onde Furlane)
   Sin. fermâ

Components:

• indaûr av., inter., adi.inv.
• mandâ v.tr.