lâ indaûr
[AF]
-
loc.v.
(ancje fig.)
movisi de bande contrarie a ce che al è devant o ae direzion che si veve prime:
dal '66 [i furlans] a spietarin cun pazience e cun rassegnazion che todescs e talians a finissin di lâ indaûr e indenant (Josef Marchet, Cuintristorie dal Friûl dal 1866 fint in dì di vuê);
e sintive lis peraulis, e viodeve lis senis, lis tornave a vivi, come cuant che si ferme il proietôr e si va indaûr cu la pelicule (Jolanda Mazzon, Fûr di timp)
Cfr. cessâ
, zirucâ
, fâ ziruc
, lâ a cessecûl
, rinculâ
, tirâsi indaûr
, fâ cessecûl
, tornâ indaûr
-
loc.v.
vê une involuzion, un decjadiment:
la pierdite (o, dut câs, il lâ indaûr de furlanetât) e je un dam par ducj, no dome pai furlans (Laurin Zuan Nardin, Tal cûr dal Friûl orientâl);
il PSOE al reste il prin partît dal Stât spagnûl in tiermins relatîfs ma al va indaûr par numar di vôts (Marc Stolf, Il Tsunami democratic catalan e la confusion in Spagne)
Cfr. lâ devant daûr
, cangjâ
, lâ al mancul
, lâ jù
, calâ
, sbassâsi
-
loc.v.
resonâ, ricuardâ, investigâ, ipotizâ, fevelâ e v.i. di alc che al è sucedût prime intal timp:
i miei vons, par tant che o vadi indaûr, a jerin contadins (Gianni Gregoricchio, Trê feminis);
ricostruint la storie passade dal univiers, lant indaûr tal timp o vin un univiers simpri plui piçul fin a ridusisi a un pont (Sergio Cecotti, Teologjie algjebriche);
une volte, e no covente lâ indaûr di tancj agns, i nestris nonos a tignivin di cont dut (Marta Vezzi, Il cjaliâr di Tumieç. Un mistîr vecjo par un fantat zovin)
-
loc.v.
jessi sucedût tal passât:
la date di nassite dal teatri moderni in Slovenie e va indaûr ae fin dal secul XVIII, di precîs ai 28 di Dicembar dal 1789, cuant che pe prime volte e fo rapresentade a Lubiane la opare di Anton Tomaž Linhart Županova Micka (Alessio Potocco, Il magjic mont dal teatri)
-
vê origjin, jessi nassût tal passât:
fotografâ lis cjasis di une volte, ce che al è restât des cjasis di une volte. No son tantis, massime chês che a van indaûr fintromai al secul XVI. Ma a son bielis (Laurin Zuan Nardin, Gianluca Comar, Cosa resta delle case friulane del XVI secolo nella Bassa friulana)
Components:
-
indaûr
av., inter., adi.inv.
-
lâ
v.intr., s.m.sing.