zirucâ
zi|ru|câ
[CO]
-
v.intr.
lâ indaûr, tornâ indaûr, soredut cence voltâsi:
al zirucâ doi pas par cjapâ la scorse (Dino Virgili, La aghe da pît la cleve);
in efiet, i patriots a zirucarin fin tes posizions di partence e i todescs a tornarin a ocupâ i lûcs che a vevin bandonât (Giovanni Pillinini, Zuan Batiste Cavedalis - Une vite esemplâr)
Sin. cessâ
, fâ ziruc
-
v.intr.
(fig.)
vê un risultât mancul bon, rivâ dopo intune classifiche:
la Udinese e à zirucât. E je lade a finîle trê scjalins plui in sot di l'an passât (Riedo Pup, O cun Zico o cence Zico)
-
v.intr.
[BF]
(fig.)
rinunziâ a alc:
"Ce filie cence rocje? / Intant che si rassegni / e pol netâ la bocje!" / Cul nâs gotant ziruche (Zaneto, Nol ven!…)
Sin. cessâ
, fâ ziruc
Cfr. molâ
, lassâ
, dâ sù
-
v.intr.
(fig.)
fâ riferiment a alc sucedût prime, tal passât:
Guido al zirucava ancja plui indaûr ta tradizion gurizana riclamant li posizions [...] dai vescui Fogar e Sedej (Celso Macôr, Presentazion di El scuviarzisi furlan);
tabaiant di tiessidure in Cjargne, si pues zirucâ fin ai prins dal Sietcent (Monica Tallone, Tomasine Da Ponte Tonon e la Carnica Arte Tessile)
-
v.tr.
[BF]
movi indaûr, tirâ indaûr:
chel siôr al ordenà ancjemò di bevi. Jo mi cjatavi tes mês gloriis, ancje se gno pari al zirucave cu la man la tace par no che me jemplàs (Eugjeni Marcuç, La gambiâl)