ritirâsi
ri|ti|râ|si
[AF]
-
v.pron.intr.
lâ indaûr, ancje e in particolâr in riferiment a trupis che si slontanin di une bataie o di un teritori:
ai 24 di Mai dal 1915 l'esercit talian al passe il confin, il grues dai soldâts imperiâi si à za ritirât su posizions plui facilis di difindi (Carli Pup, La seconde Irlande)
Sin. zirucâ
-
ancje di alc di inanimât, mudâ di posizion, di forme, di estension, lant indaûr:
la nêf si ritirave simpri di plui su lis pichis des monts (Carlo Sgorlon, Prime di sere);
la tiare ogni an e resurìs tal soreli e la aghe si ritire (Dino Virgili, Cuel Valâr)
-
v.pron.intr.
no puartâ plui indevant une ativitât:
daspò di vê siervît cun onôr la cort di Viene in afârs di finance, si jere ritirât cuntune pension une vore buine (Pierluigi Visintin, Friûl e furlans te Histoire de ma vie di Giacomo Casanova);
tal 1992-93 il Moviment Friûl al decidè di ritirâsi de ativitât politiche direte (Adrian Cescje, Memoriis di politiche linguistiche)
-
v.pron.intr.
lâ vie de compagnie di chei altris o di un ciert puest:
intor undis, Nart e Line, a lassarin la fieste par ritirâsi in cjase lôr (Roberto Ongaro, Cretevierte);
la mestre ur de a lis fantatis il permès di ritirâsi (Gianni Gregoricchio, Trê feminis)
-
rinunziâ o scjampâ dal contat cun chei altris:
disgustât dal mont, al si veve ritirât tun convent (Zuan Lurinçon, La Madalene);
ritirâsi su la mont a preâ (Antoni Beline, Sant Jacum, là che al finìs il mont)
-
v.pron.intr.
rinunziâ a puartâ indevant alc che si veve tacât o che si varès di frontâ, tant che un esam, une prove, une competizion e v.i.:
[tal 1954 Oreste Conte] si jere ritirât dal Zîr cence vitoriis di tape (Oscar Puntel, Di Bottecchia a Pontoni: i grancj "a dôs ruedis")
Sin. bandonâ
, molâ
, dâle sù
, rinunziâ
