cangjâ
can|gjâ
[CO]
-
v.intr.
sbassâsi di intensitât, di frecuence, di fuarce, di numar e v.i.:
il pignarûl grant al cangje; al comence il bal salvadi ator dal fûc (Dino Virgili, La aghe da pît la cleve);
al sudave amondi e il brusôr di stomi nol cangjave (Amedeo Giacomini, Tal ospedâl);
in Friûl o vivìn, si po dî, in vuere: jenfri casermis, manovris, polvarieris, poligons, sentinelis… in sumis jenfri pericui che no cangjin ni di dì ni di gnot (Riedo Pup, Lis bombis sul seglâr)
Sin. calâ
, ridusisi
, lâ al mancul
, sbassâsi
, cangjâsi
-
v.tr.
fâ sbassâ di intensitât, di frecuence, di fuarce, di numar e v.i.:
i cjavai biel avilîts e cangjin il pas (Giovanni Gortani, Lant jù pe Tresemane)
Sin. ridusi
, sbassâ
, calâ
-
v.intr.
cambiâ di aspiet:
lis gnecis di siore Nine, plui maliziosis, a vevin capît la sô anime sincere false e chei voi che a cangjavin dal pietôs al glaçât (Maria Forte, Mabile la Lunghine);
a cjalavin sot, viodint i riflès che a cangjavin dal blu al vert ogni volte che un pessut al smalitave e che une corint si moveve (Raffaele Serafini, Contis sot spirt)