tirâsi dongje
[AF]
-
loc.v.
tirâ alc dongje di se stes:
lui al si vicinà a un saût, al si tirà dongje un ramaç par nasâ lis rosis (Jolanda Mazzon, Fûr di timp)
Sin. tirâ dongje
, tirâ incà
-
loc.v.
lâ dongje, movisi fin a rivâ li di alc o li di cdn.:
«Papà» Vigjut si tirà dongje so pari, si rimpinà come un gjatut sù pai zenoi: «Papà, sint…» e cjapât so pari a bracecuel i cisicà te orele (Pieri Menis, Nadâl ancje par Gjelmin);
[Anzuline] si tire dongje a planc dute curiose (Pieri Somede dai Marcs, Ursule)
Sin. lâ dongje
, vignî dongje
-
loc.v.
lâ un plui dongje di chel altri:
di cheste stagjon si tiravisi dongje di dutis lis bandis, si cirive il clip dal fogolâr, il bonodôr de polente (Josef Marchet, Lis predicjis dal muini)
Sin. dâsi dongje
, tirâsi adun
, riunîsi
, cjatâsi
, dâsi adun
-
loc.v.
lâ o tornâ a cjase:
tal bosc al jere scûr, i siei voi di viele a cimiavin. Al jere miôr scomençâ a tirâsi dongje (Alan Brusini, Come tai romançs)
Sin. tornâ dongje
-
loc.v.
leâsi intune relazion amorose o matrimoniâl:
tu sês intune condizion che no tu âs bisugne di cirî dotis, ne di tirâti dongje int smorfiose e pretenziose che finirès cul fâti deventâ mat (Vittorio Vittorello, A ogni cost);
"Cemût, po, un om fat e finît no aial une femine, ancje dome un grabatul di tirâsi dongje?" (Antescûr, L'om misteriôs)
Sin. metisi
, compagnâsi
, dâsi dongje
, tirâ dongje
-
loc.v.
svicinâsi intune relazion di amicizie:
di chei vincjedoi talians intropâts tal Radna Grupa di Moravice, Min si tire dongje massime di Turi (Ivano Urli, Storie di Min)
Sin. dâsi dongje
-
loc.v.
cjapâ a vore:
si veve tirât dongje [tant che massarie] une biade catusse (che e veve vût une frute parsore filâ) e cun chê e tirave indenant (Maria Forte, Cjase di Dalban)
Sin. tirâ dongje
-
loc.v.
causâ a se stes:
viodi insome di stâ atent, di no lâ cu la prime che e capite, cul pericul di tirâsi dongje cualchi malatie (Giovanni Pillinini, L'orloi de vite)
Sin. tirâ dongje
, tirâsi intor
Components: