compagnâsi
com|pa|gnâ|si
[AF]
-
v.pron.intr.
tacâ a stâ insiemi o lâ insiemi:
[lis "Vuarvuole"] a son striis vecjis cui cjavei di fier che a rivin a Grau de Istrie suntune barcje di veri. Si compagnin cul Bufolin, omenut piçul e scûr, e cul Mostro Balarin (Sandri Carrozzo, Friûl di Magance)
Sin. zontâsi
-
deventâ compagn, amì di cdn.:
no tu rivavis a acetâ il fat che jo o ves miôr compagnâmi cun chei de mê scuele che no cui fîs dai tiei amîs (Enrico Martina, Ricuarts e inlusions)
Sin. lâ
, lâ insiemi
-
v.pron.intr.
leâsi intune relazion sentimentâl:
none Lise, ogni dì, e sperave che [Fausto] si compagnàs cu la fantate che i lave ben… (Maria Forte, Cjase di Dalban)
Sin. metisi insiemi
, maridâsi ipon.
, sposâsi ipon.
-
(eufem.)
vê un rapuart sessuâl:
"Ma, cuant podaraio compagnâmi cun vô, o biele Brunhilde? " "Mi displâs dîtal ma… no tu ti compagnarâs cun nissune di nô…" (Checo Tam, Sense)
-
v.pron.intr.
sucedi insiemi:
cuant che i dolôrs si compagnaran cun sbocs di sanc, al vûl dî che tu sês passât de fase croniche a chê ultime (Amedeo Giacomini, Tal ospedâl);
in chest riscat culturâl, che al à di compagnâsi a chel economic, sociâl e ancje religjôs, une impuartance fondamentâl lu à e lu varà simpri di plui l'Universitât dal Friûl (Antoni Beline, La vocazion dal cjâf)
-
v.pron.intr.
stâ dongje in armonie:
[la coce] si compagne cu la scuete fumade (Sandri Carrozzo, Une regjon di cerçâ)
Sin. cumbinâsi
-
deventâ compagn, cjapâ sù chês stessis carateristichis:
la sô muse si compagnà a chel scûr che al veve dentri (Maria Forte, La tiere di Lansing)
-
v.pron.intr.
fâsi un compagnament musicâl:
di lontan si sint Nando che compagnantsi cul violin al cjante la cjançon «Mame» (Pieri Somede dai Marcs, Mame…);
i faseve cjantà saldo une romanze de Bohème, compagnantsi cuntun piano un pôc stonât (Alan Brusini, Come tai romançs)
