Dizionari de Lenghe Furlane

cjatâsi  cja|tâ|si  [FO]

1. v.pron.tr. rivâ a vê par se stes alc o cdn. che si cîr, che si à dibisugne e vi..:  al cjalave simpri bas cu la sperance di cjatâsi bêçs par tiere (Alan Brusini, Come tai romançs); so pari al jere muart e lui al veve scugnût cjatâsi di vore par mantignî la mari e i doi fradis piçui (Gianni Gregoricchio, Trê feminis); al scugnive cjatâsi une cjamare e fâsi di mangjâ di bessôl, cussì i bêçs a duravin di plui (Carlo Sgorlon, Prime di sere); cundut dal so jessi un emargjinât, al rive a cjatâsi la femine de sô vite (Fabian Ros, Il cine groenlandês tra art e impegn politic)
   Sin. cjatâ , cjatâ fûr , burî , burî fûr , intivâ , cjapâ , cjoli
2. v.pron.tr. viodi, vê a ce fâ cun cdn. o alc:  al coreve masse e a un ciert pont si è cjatât i carabinîrs che i àn fat la multe
   Sin. cjatâ , intivâ , intivâsi , scuintrâsi , incuintrâsi , scuintrâ , incuintrâ
3. v.pron.intr. lâ tun stes puest par viodisi, par vê un incuintri, par fâ alc insiemi:  se ti va ben o podin cjatâsi une miezorute a tabaiâ (Alan Brusini, Gian Paolo Linda, I forescj); al molà dut e al partì cjase par cjase a visâ i cjantôrs che si cjatassin ducj tal indoman par compagnâ il cont e cjantâi lis «recuiis» (Riedo Pup, Vigji Brusin)
   Sin. viodisi
4. v.pron.intr. di stradis, condots e v.i., lâ tal stes pont:  la Fele e cor a cjatâsi cul Tiliment a ret di Puartis
   Sin. unîsi , zontâsi , lâ adun , vignî adun , butâsi
5. v.pron.intr. capî dulà che si è:  sin vignûts a pît cjapant i trois: ma la ploie e veve fat mil roiuçs e si stentave a cjatâsi (Pieri Somede dai Marcs, Resurezion a Pontinie)
   Sin. orientâsi , voltâsi , messedâsi
6. v.pron.intr. jessi, finî intun ciert lûc, intune cierte situazion e v.i., massime cence previodilu:  cui che al jentrave tal so tinel al veve la impression di cjatâsi intun Orient mai viodût, o dome al cine (Carlo Sgorlon, Ombris tal infinît); cjatantsi in chei stâts, i cinc republichins, che mai plui no si saressin spietâts un assalt a cuatri pas de caserme, a restarin imbambinîts e a butarin lis armis (Roberto Ongaro, Il muc); al ven il moment di cjatâsi di bessôl in face dai fats de vite (Gianni Gregoricchio, Trê feminis); e fo une fortune pai paîs e pe int da la alte, di cjatâsi a jessi puars e fûr di man: cussì a forin sparagnâts ancje di cheste disgracie [lis scorsadis dai Ongjars] (Josef Marchet, Cuintristorie dal Friûl fin sot la Italie); no rivavi a capî a ce distance che mi cjatavi dal vât (Checo Tam, Sense)
   Sin. finî , finîle , jessi¹ , stâ
7. v.pron.tr. vê alc o cdn. intun ciert lûc, intune cierte situazion rispiet a se stes:  l'om al jentrà che lui, scuasit, nol rivà a inacuarzisi. Si visà dome un moment dopo, cuant che sal cjatà sentât dongje (Maria Forte, La tiere di Lansing)
   Sin. viodisi , jessi¹
8. v.pron.intr. (fig.) soredut in espressions negativis, jessi in buine sintonie cun cdn. o cun alc, vê une buine comprension, comunicazion, condivision e v.i. cun cdn.:  in glesie e leve pôc, no si cjatave tra tante int, e po i siei a vevin miôr che e stes a cjase (Pieri Somede dai Marcs, Nardon e Vigjute di Nani); al pensà di metisi di bessôl, di vierzi un "studi fotografic" no a Rome, indulà che no si cjatave plui, ma tal so paîs (Lucio Perès, Il mâl dal mûr); di istès dut si pleà al mâl e lôr doi no rivarin a cjatâsi nancje te frute (Maria Forte, Cjase di Dalban)
   Sin. jessi dacuardi , jessi in cunvigne , lâ dacuardi , lâ in cunvigne , capîsi , intindisi
   
   1. savê cemût fâ alc, fâ alc un facilitât e naturalece:  «Mi larès ben che tu mi judassis tor di chê stanzie che o ai voie di regolâ […]. No mi cjati a fâ di muredôr. Tu invessit… al è il tô mistîr» (Nadia Pauluzzo, Il bintar)
9. v.pron.intr., v.pron.tr. vê une posizion, une situazion particolâr in rapuart a altris:  o crodevi che o viodessin lis robis te stesse maniere e invezit mal soi cjatât cuintri

Polirematichis e espressions idiomatichis

• cjatâsi da dî loc.v.
• vignî a cjatâsi loc.v.