Dizionari de Lenghe Furlane

intivâsi  in|ti|vâ|si  [AF]

1. v.pron.intr. cjatâ par câs cdn. o ancje alc:  rivât cjase mê, mi jeri intivât in Riedo Mostacjin, vignût a puartânus une damigjane di vin (Checo Tam, MILAGRO!); plui si va indentri e plui si intivisi in tesaurs che no si cjatin di altris bandis (Antoni Beline, Il misteri de nestre storie)
   Sin. cjatâsi , intivâ , intopâsi , scuintrâ , scuintrâsi , inclapâsi , imbatisi
   
   1. tacâ a vê a ce fâ cun cdn., cognossi cdn.:  lôr, di cuant che si sin intivâts la prime volte, mi àn tratât di fi (Antoni Beline, La mari spirituâl de Patrie)
   2. jessi intune cierte situazion, vê a ce fâ cuntune cierte situazion:  al veve vude la venture di inclapâsi tune di lôr che, distrate o pôc pratiche dal puest, si jere intivade fûr di trop (Josef Cjargnel, Lis striis de Cjargne)
2. v.pron.intr. di dôs o plui personis o ancje robis, vê une cierte intese, maniere di stâ dongje, di compuartâsi, di funzionâ un cun chel altri:  un amôr furiôs, cence calcui, cence resons: robe di mularie, po. Ma si jerin intivâts juscj (Dino Virgili, La aghe da pît la cleve)
   Sin. cumbinâsi , cjatâsi
3. v.pron.intr. in costruzions infinitivis, par dâ un significât di casualitât:  siôr Talico, viôt tu!, si intivave a passâ propit devant de Penze… (Dino Virgili, La aghe da pît la cleve)

Polirematichis e espressions idiomatichis

• se si intive il câs loc.av.

Proverbis:

• in chest mont al è dut un intivâsi