inclapâsi
in|cla|pâ|si
[CO]
-
v.pron.intr.
cjatâsi blocât intun puest, soredut di crets, dulà che no si rive ni a lâ sù ni a lâ jù:
e àn volût vignî jù pal ruat e si son inclapâts, di mût che se no si fos lâts a tirâju fûr e saressin ancjimò là (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. incretâsi
-
(fig.)
no rivâ a lâ indenant cuntune ativitât:
e volevin lâ lontanon ma si son inclapâts subite (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. fermâsi
, blocâsi
, inglereâsi
, impantanâsi
-
v.pron.intr.
fâ tart, no rivâ a fâ alc tal timp che al covente o che al jere previodût, soredut in riferiment al partî, al lâ, al tornâ dongje:
cuant che [il so om] al si inclapave intal CRAL cuntun taiut di plui lu lave a toli (Giacomo Plozner, Zanete 31! 31 Zanete!)
Sin. tardâ
, intardâsi
, fâ tart
, intardivâsi
, tardivâsi
Cfr. stratignîsi
, fermâsi
-
restâ a durmî masse timp:
lu persac al è pront, si va a durmî buinoro, ma cui rive a sierâ vuoli par pôro di inclapâsi... (Novella Del Fabbro, Un pelegrinaç)
-
v.pron.intr.
cjatâsi par câs cun cdn.:
cussì si è inclapât bessôl cu la Meneghine (Giovanni Gortani, Sot consei di vuere);
cualchi volte adiriture un di chei oms, intardât vie pai boscs, al veve vude la venture di inclapâsi tune di lôr che, distrate o pôc pratiche dal puest, si jere intivade fûr di trop (Josef Cjargnel, Lis striis de Cjargne)
Sin. intivâsi
, intivâ
, intopâsi
, intopâ
-
cjatâsi par câs intune cierte situazion o cundizion, vê a ce fâ cun alc