fermâsi
fer|mâ|si
[FO]
-
v.pron.intr.
lassâ di movisi:
Laurinç si invià a planc, cjalant la int e fermantsi cu la calme a lei i titui dai sfueis tes ediculis (Agnul di Spere, In viaç di domenie);
l'automobil si fermà su la plaçute e a dismontarin none Lise, siore Marceline e i fruts (Maria Forte, Cjase di Dalban)
Sin. blocâsi
, impostâsi
, stâ
, fermâ
-
v.pron.intr.
lassâ di fâ ce che si è daûr a fâ:
fermaitsi di lâ indenant, che e je ore! (Riedo Pup, I furlans e il timp);
ogni tant si fermave tal mieç dal discors, e in chei jenfris, cundut che il fogolâr al fos plen di int, si podevin sintî a crugnâ i carûi disore (Meni Ucel, Il sunsûr)
Sin. cessâ
, molâ
, lassâ
, smeti
, dismeti
, fermâ
, incjantâsi
-
no sucedi plui:
lis invenzions a vignivin une daûr di chê altre cence fermâsi mai e chest al produseve grancj cambiaments intun mont par grande part contadin (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
no si fermarin i bombardaments, che anzit a continuarin par dut il mês simpri plui fuarts (Giovanni Pillinini, Zuan Batiste Cavedalis - Une vite esemplâr)
-
jessi rivât ae fin:
la cjosse no si fermà alì. Cun di fat, lis autoritâts, par mieç dal procuradôr, a convocarin di corse l'avocat par domandâi il cidin plui totâl sul afâr e la plui grande prudence (Fabian Ros, L'om che al pierdeve pinsîrs pe strade)
Sin. finî
, cessâ
, rivâ insom
, murî
, sierâsi
-
v.pron.intr.
(fig.)
di cdn. o di pinsîr, cjalade e v.i., concentrâsi su alc o su cdn.:
un public onest al sarà dal sigûr pazient cun chescj difiets e al volarà fermâsi pluitost sui aspiets positîfs (Sandri Carrozzo, Note dal curadôr ae traduzion dal Infier di Dante)
Sin. centrâsi
, dedicâsi
-
v.pron.intr.
stâ li di cdn. tant che ospit:
si cjatavisi a cjase mê. A voltis si fermave ancje a durmî (Gianni Gregoricchio, Trê feminis);
Momi vûstu fermâti a gustâ cun nô, mê agne à dit che e spessearà a fâ di mangjâ (Pieri Somede dai Marcs, Un pugn di moscjis)
Sin. restâ
-
stâ par un pôc tun ambient, tant che aventôr:
la domenie, tornant di Messe, si fermave ta l'ostarie (Maria Forte, Il Bide di Miot)
Sin. restâ
-
v.pron.intr.
stâ a vivi o a lavorâ:
se ben che a fossin passâts sedis agns, nol pensave par nie di fermâsi par simpri tal Venezuela (Lucio Perès, Gno barbe Sisto);
e veve di sei une suplence di un mês, invezit mi soi fermât dut l'Invier (Alan Brusini, Gian Paolo Linda, I forescj)
Sin. restâ
Proverbis:
- no bisugne fermâsi a ogni ostarie