viodisi
/-ó-/
vio|di|si
[FO]
-
v.pron.tr.
viôt viodi
-
v.pron.intr.
viodi la imagjin di se stes:
i gjats e i cjans, che cuant che si viodin denant dal spieli a pensin di jessi denant di un altri animâl (Franc Fari, La evoluzion dal çurviel e de cussience tai vertebrâts)
Sin. cjalâsi
-
v.pron.intr.
cun valôr di copule, vê une cierte percezion di se:
si cjalisi intal spieli, si viodisi dispès brutis, si à pôre di ingrassâ (AAVV, Sul florî)
Sin. sintîsi
-
vê une percezion de proprie situazion:
il mus po a viodisi tra tancj lusôrs e a sintî il bacan da la int che e jere te sale nol voleve stâ plui fer, cuntune scalçade al à rot un senari (Pieri Somede dai Marcs, La comedie dal mus)
-
v.pron.intr.
imagjinâ se stes intune situazion future o ipotetiche:
si viodeve za piturât suntun gjornâl de oposizion, cun tant di fotografie sot di un titul bocon par ca (Fabian Ros, Il lôf)
-
v.pron.intr.
vê un incuintri, cjatâsi insiemi:
"Anìn dentri, che o ai di contâti tantis robis; al è un biel pôc che no si viodìn, vere? […]" (Franca Mainardis, Il sium di Lissandri);
"No, no, culì; viodìnsi di cualchi bande, là che e vûl." (Roberto Ongaro, Cretevierte)
Sin. cjatâsi
-
ancje tant che formule di salût tal lassâsi:
«Mandi» i diseve jê, «si viodìn doman» (Alan Brusini, Come tai romançs)
-
v.pron.intr.
vê incuintris sentimentâi o une relazion sentimentâl:
Tilde si viodeve di scuindon cuntun di Lauçane (Gianni Gregoricchio, Trê feminis)
Sin. cjatâsi
, lâ
, praticâ
, lâ fûr
, lâ fûr insiemi
, morosâ
, fâ l'amôr
-
v.pron.tr.
cjatâsi intune cierte situazion, soredut cence spietâle o cence volêle:
Catine un tic si spaurì a viodisi a un dêt dal nâs i ocjaluts de contesse, ma la vôs calme de femine le bonà (Gianni Gregoricchio, Trê feminis);
voaltris o sês stufs di viodisi a cressi lis tassis (Dino Virgili, La aghe da pît la cleve)
Proverbis:
- fin che si è vîfs si à sperance di viodisi