praticâ
pra|ti|câ
[CO]
-
v.tr.
fâ une ativitât o compuartâsi intun ciert mût in maniere abituâl:
in Friûl e a Triest il 17% dai residents a pratichin sports invernâi o l'alpinisim (Luche Nazzi, Implants plui capients, vuadagns plui bas);
ancje Eric Fromm (1900-1980), inte ultime part de sô vite, al à studiât e praticât la meditazion (Franc Fari, Neurosiencis de meditazion)
Var. prategâ
-
meti in pratiche, meti in vore:
l'ordin di tignî scûr metût fûr dal Podestât ducj lu praticave, magari plui par no viodisi capitâ i fassiscj in cjase che pal pericul di bombardaments (Pieri Menis, Sul agâr)
-
(ancje ass.)
meti in vore i precets de religjon:
no soi propite chi par confessâmi. Che a son agnorums che no pratichi, anzit (Angelo Floramo, Confession agnostiche (pre Toni Beline))
-
v.tr.
lâ intun puest par abitudin:
la int che e praticave la ostarie e mudave di numar e di cualitât daûr lis stagjons (Roberto Ongaro, Cretevierte)
Sin. bacigâ1
, frecuentâ
, lâ
-
v.tr.
vê a ce fâ cun cdn.:
i vecjos a disevin che i mucs, lôr ju vevin praticâts par agn, di là de stangje su lis fornâs (Maria Forte, Cjase di Dalban)
Sin. bacigâ1
, viodi
, frecuentâ
-
vê confidence, amicizie o une relazion sentimentâl cun cdn. e lâ a cjatâlu o viodisi:
al praticave Tilde, la biondate di Vacjâr, a Dargnà, che si jerin cjatâts a balâ ta chê gnot, gjo (Dino Virgili, La aghe da pît la cleve);
il plevan di Dolegnan al voleve tant ben a dôs comaris e lis praticave (Popolâr - Andreina Nicoloso Ciceri, L'avôt di Sante Brigjide - Racconti popolari friulani I)
-
v.tr.
(ancje ass.)
fâ pratiche, fâ esercizi par deventâ plui brâf intune cierte ativitât
Sin. esercitâsi
Proverbis:
- dimi cui che tu pratichis e ti disarai cui che tu sês
