sintîsi
sin|tî|si
[FO]
-
v.pron.intr., v.pron.tr.
vê une sensazion fisiche o psicologjiche, vê une percezion di se stes, di une part di se stes o di ce che al è ator di se stes:
"Cemût ti sintistu, pai?" (Agnul di Spere, I prâts des Savodagnis);
se si sintive strac o ingussît, i pareve di vê confuart nome tornant cul pinsîr a chê sô cjase (Pieri Menis, Sul agâr);
dopo restât vedul e bessôl, gjo, cence fruts ni nissun, al cjaminave dilunc il troi de braide o pai remis a viodi la campagne e si sintive bessôl (Dino Virgili, La massarie);
no vevi bevût masse, ma mi sintivi il cjâf stramp e i començavi a sudâ (Stiefin Morat, Kebar krossè)
Sin. jessi1
, stâ
-
vê une concezion di se stes:
lui si sintive pluitost un om di afârs, un marcjadant di nivel superiôr, un industriâl (Carlo Sgorlon, Ombris tal infinît)
-
v.pron.intr.
jessi in comunicazion, fevelâsi, scrivisi o clamâsi par fevelâ di alc:
cumò o scuen scjampâ. Magari si sintìn doman a buinore. A riviodisi (Alan Brusini, Gian Paolo Linda, I forescj)
-
v.pron.tr.
vê sensibilitât intune part dal cuarp:
in chel no mi sintivi plui i pîts, o vevi frêt (Michele Calligaris, Te vuate)
Sin. sintî
-
v.pron.tr.
pal solit cuntune infinitive, jessi pront, jessi disponibil a fâ alc:
«Alore, ti sintistu di fâ la vore?» (Carlo Sgorlon, Prime di sere);
Zuan no si sintî di lassâle bessole (Maria Forte, La tiere di Lansing)