Dizionari de Lenghe Furlane

unîsi  u|nî|si  [AF]

1. v.pron.intr. di elements materiâi o imateriâi, dâsi dongje formant alc di unic
   Sin. zontâsi , dâsi adun
   Var. aunîsi
   Cfr. messedâsi , miscliçâsi
   
   1. di tocs, parts, zonis, stradis, liniis e v.i., tacâsi o tocjâsi in maniere di formâ une continuitât, une articolazion, une crosere e v.i.:  sul cjanton de caserme al vignive fûr il braç dal ferâl che, vie pe gnot, al iluminave la beorcje, che juste li daûr, si univin la Stradimieç e la Stradegnove (Dino Virgili, La aghe da pît la cleve)
      Sin. zontâsi , tacâsi , conzonzisi , dâsi dongje , cjatâsi
   2. formâ une cumbinazion, ancje dome cuntune relazion di someance, di armonie e v.i.:  al gjoldeve chest sclop di zoventût che cussì ben si unive cul aiarin fresc e cul murmuiâ des gnovis fueis dai cjastenârs e dai platins (Gianni Gregoricchio, Barbe Masaniello)
      Sin. cumbinâsi
2. v.pron.intr. di plui individuis, lâ un dongje di chel altri in mût di formâ un grup, che al pues jessi ancje une assemblee, un consei e v.i.:  dopo che si fo unît cui siei dissepui, il Signôr al disè […] (Luigi Gortani, Meni Fari); si jerin unîts a Darte in Comandarie i Meriis des 13 vilis dal Cuartîr di Sot Randis, tal cjanâl di Sant Pieri, in Cjargne (Giovanni Gortani, Un gustâ diplomatic)
   Sin. riunîsi , dâsi dongje , metisi adun , cjatâsi
3. v.pron.intr. associâsi cun altris par rivâ a une finalitât di interès comuns:  e i furlans? Une des dôs: o che si risolvin a unîsi, a alçâ la vôs e gjavâsi fûr dal destin di chês altris regjons, […] o che il centri, scjalterît di cheste sflamiade di furlanetât, al cjatarà la fate di scancelâ dal dut la fisionomie de nestre int (Josef Marchet, La gnespule malmadure); i Stâts de Europe si son unîts e si pues lâ di un Stât al altri cence passepuart (AAVV, Sul florî)
   Sin. dâsi dongje , dâsi adun
4. v.pron.intr. dâsi dongje intun leam sentimentâl o matrimoniâl:  a son une vorute di gjarlis che a volaressin intivâsi tes carognis simpatichis e unîsi cun lôr, cu la sperance che a vebin di restâ simpatichis cu la femine e carognis cun chei altris (Josef Marchet, Lis predicjis dal muini)
   Sin. compagnâsi
5. v.pron.intr. vê un rapuart sessuâl:  aio di unîmi a lui/jê? O aio di stâ a fâ l'amôr cun me stesse: autoerotisim, tant o ai il plui biel cuarp dal mont (Checo Tam, Nekronomikon); Latone e jere restade incinte di Apol e di Artemide daspò di jessisi unide cun Zeus (Adrian Cescje, Memoriis di politiche linguistiche)
   Sin. compagnâsi , incrosâsi