strenzisi
/-è-/
stren|zi|si
[FO]
-
v.pron.tr.
strenzi une part di se stes, strenzi alc par se stes, tor di se stes o in maniere mutuâl e v.i.:
al fermà il lavôr par vie che si jere strenzude la piel cul mani des fuarpiis (Carlo Sgorlon, Prime di sere);
al tirà sù i bregons e daspò si strenzè la cengle intor i flancs (Tarcisio Venuti, La cjase di Toni);
dôs mans gropolosis si strenzerin a fuart: afâr fat (Dino Virgili, La aghe da pît la cleve)
Sin. strenzi
-
v.pron.intr.
deventâ mancul larc, plui piçul:
si cjapave une scjalute cui scjalins larcs che si strenzevin simpri plui (Pieri Menis, La vuere sul Freikofel);
«La strade e puartarà di cualchi bande» e diseve, «o cjatarai une cjase! Dal vêr che culì no je une cjase!» Invezit la stradele si strenzeve simpri plui (Alan Brusini, Come tai romançs);
mi ven da ridi - al dîs Agnul - a sintî che une patrie si slargje o si strenç; une patrie no je une tiracje (Riedo Pup, I furlans e la patrie)
-
v.pron.intr.
fâsi sù tun vistît:
si strenzè tal tabâr e al slungjà il pas (Dino Virgili, La aghe da pît la cleve)
-
v.pron.intr.
lâ une vore dongje:
cuant che e stave murint, ducj si strenzerin intor dal so jet (Maria Forte, Cjase di Dalban);
lis fantatis si strenzevin dongje dal zovin (Dino Virgili, Cjase Basse)
-
v.pron.intr.
(ancje fig.)
sistemâsi par cjapâ mancul spazi e lassâ puest:
Ulive e veve simpri chel brut naturâl di strenzisi dute tor di se, par incovâ mancul puest in cjase dai siôrs (Maria Forte, La tiere di Lansing);
strenzisi, si sin avonde strenzûts; discomodâsi, si sin discomodâts fintremai che al jere pussibil (Josef Marchet, Iresponsabilitât)
-
v.pron.intr.
(fig.)
stratignîsi tal spindi:
al pareve che al ingrumàs i carantans, strenzintsi in dut, par meti a puest chê casope (Maria Forte, La tiere di Lansing);
considerât che aromai no si veve nuie altri de bande, tocjave strenzisi, misurâsi tes compris, tai spas, tai vistîts (Meni Ucel, Culumiis)
-
v.pron.intr.
[TS]
gastr.
di sostance licuide o semilicuide, pierdi aghe cul cueisi e deventâ plui concentrade e plui fisse:
si regole di sâl e di pevar blanc e si lasse lâ il timp di fâ "strenzi" (Margherita Timeus, Lis rosis tal plat)
Sin. ristrenzisi
, ridusisi
Polirematichis e espressions idiomatichis
