mancul mâl
[AF]
-
loc.inter.
par segnâ che alc al è une fortune, soredut cuant che altris robis a van mâl o a varessin podût lâ mâl:
po, dut al è lât ben; il prefet, mancul mâl, nol faseve altri che laudâ la mê opare e il comun (Pieri Somede dai Marcs, Lis nestris rosis);
Jolande lu fasè jentrâ tal stanzon di chê altre volte e i domandà se si jere sistemât. «Une cjamare le ai cjatade» dissal Eliseo, «e o cjati ancje di lavorâ, ogni tant». «Mancul mâl» (Carlo Sgorlon, Prime di sere)
Var. mancumâl
, mancomâl
-
loc.av., loc.adi.inv.
avonde ben, in cundizions avonde buinis o almancul no tant brutis:
o sin lâts a cjatâ la mê puare agne Fauste. «E alore, gnagne, cemût?». «Graziant Idiu mancul mâl». «E il paron?». «Mancul mâl ancje lui. E voaltris?». «Ben». «O ai tant gust, e us viôt vulintîr. Comodaitsi» (Meni Ucel, Salams);
"Mi racuardi, mi racuardi che ti à tocjât juste ancje a ti di chistis voris, la mê fiminute. Malon, malon in chei timps!" "Cussì chiste frute, ma jere contente lo stes; judave i siei di cûr e ducj cuancj si tirave indenant mancul mâl" (Dolfo Zorzut, No je plui vive)
Components:
-
mâl
av., inter., s.m., adi.
-
mancul
av., adi.inv., pron., prep., s.m.