sotan
/-àn/
so|tan
[AF, TS]
-
s.m.
agr.
lavoradôr de campagne che al è sot paron, in cundizions di sfrutament e miserie:
al jere chel il timp, pai sotans culì in Friûl, de polente cence sâl e de pelagre (Alan Brusini, Come tai romançs);
ridot al possès di nuia altri che un badîl, una manara e una forcja, al daventà sotan, al si metè a lavorâ a zornada (Federigo Comelli, Il me paîs)
Sin. cossan
, cossat1
-
adi., s.m.
che, cui che al è sot di une autoritât, che al sta da pît di une scjale jerarchiche, o che in gjenerâl al scuen ubidî, che nol è dal dut libar:
si sa che il mont dal lavôr al è fat di sotans e di sorestants e il sorestant al vûl che si capissi ben che al è lui che al comande (Roberto Ongaro, Il muc)
Sin. sometût
-
che, cui che al vîf sot dal podê di un sovran:
par salvâ il Friûl al reste nome che tornâ sotans sot il claut [l'imperi austriac] (Luigi Ciceri, Il Strolic furlan pal 1977)
Sin. sudit
-
adi., s.m.
che, cui che al acete cun ande passive un podê injust e prepotent:
a son simpri pronts a tornâ a bati la solfe, a tignîlu sot e cuiet [il popul furlan], a fâi viodi che al è ben jessi bogn e tasê, che al è miôr ubidî e no pratindi. Jessi bogn cussì al è jessi sotans (Francesc Placerean, Cuintristorie dal Friûl dal 1866 fint in dì di vuê);
al jere come incragnît, masse sometût e sotan cu lis feminis di cjase, e nol jere bon di comandâ ma nome di ubidî (Carlo Sgorlon, Il dolfin)
Sin. sometût
, sudizionôs
, scuintiât
, remissîf
