pleât
ple|ât
[AF]
-
p.pass., adi.
viôt pleâ
, viôt pleâsi
Var. pleiât
-
adi.
che al à une forme, une linie, une superficie o une traietorie no drete, che e fâs un arc o un cjanton e che e bute di une bande:
un puint vieri, di piere, che parsore a passin dome int a pît. […] Dut di piere, ancje il parepet, pleât insù tant che une schene di mus (Laurin Zuan Nardin, Il cop);
un pas daûr chel altri, i pîts a dissegnâ figuris sul paviment. Il comedon pleât e il braç sù ben, ma che nol sedi rigjit, cussì ti àn insegnât (Antescûr, Milonghe);
o clami el camarîr. Mi presente la note pleade in doi (Arturo Feruglio, Viaç a Vignesie);
lens, vignûts sù pe frate, pleâts e ingobîts dal frêt di cuissà cetancj Inviers (Angelo Floramo, Da pît de cleva cun Siro)
Cfr. arcât
, sgobât
, ingobât
, stuart
, plet1
-
fat sù ben in ordin:
Cole, di zovin, al jere scjampât di cjase par lâ cun Caribaldi e al veve imò tun scansel dongje il balcon de cjamare, la cjamese rosse di Sicilie, fruiade e scussade, ma simpri sopressade e pleade (Dino Virgili, La aghe da pît la cleve)
-
adi.
sbassât o in posizion inclinade:
al voltà vie cuntun pas strac e malsigûr, cul cjâf pleât sul pet e cui voi fis par tiare (Zuan Lurinçon, La Madalene);
il plevan lu furnive di libris o lui, cui siei bêçs, ju cirive pardut. A cjase tal ricuadri iluminât dal barcon, lu viodevin pleât su lis cjartis fin a straoris (Maria Forte, Il Bide di Miot)
-
adi.
(fig.)
che al à pierdût gnerf, che nol à plui voie o fuarce di oponisi a chei altris o aes dificoltâts:
a varessin gjoldût a viodile pleade e magari ancje avilide (Maria Forte, La aghe dal Ariul);
tancj esponents de nobiltât, pleâts e ridusûts a cortesans, a tacavin a bandonâ i lôr cjistiei (Angelo Floramo, La cuintristorie de ocupazion veneziane)
Sin. batût
-
adi.
(fig.)
che nol rive a stâ ben impins par vie di une sensazion fuarte:
i doi coparis si meterin a ridi pleâts in cuatri (Fabian Ros, La rambe)