batût
ba|tût
[FO]
-
p.pass., adi.
viôt bati
, viôt batisi
-
s.m.
teren preparât batint o indurît dal passaç di int, bestiis e traspuarts:
si implantin frascjis e ogni borc al si cambie in un biel stradâl di vert. Il batût de strade al pâr un zardin (Pieri Somede dai Marcs, Corpus Domini)
-
adi.
di troi o sim., che al è fuart e che si viôt ben par vie dal passaç di int o bestiis:
cumò o viôt il troi batût, e la bumbuie sbrissiâ ator ator e o sint o sint il sdrondenâ dal cûr de aghe (Stiefin Morat, Donald dal Tiliment)
-
s.m.
paviment di beton o tiere pressade:
barbe Nart se nol jere a cjase, in cusine cul batût par tiere, a fâsi un zei, une sporte, un stoc, un scovet, al jere di sigûr ta la ostarie (Alan Brusini, Come tai romançs)
-
s.m.
cort denant di une cjase contadine:
par aiar e svolave la bule, sul batût e restave une zumiele di vergolât (Dino Virgili, La aghe da pît la cleve)
-
adi., s.m.
[TS]
st.religj.
che, cui che al faseve part di un ordin medievâl laic che al praticave la autoflagjelazion par pinitince:
un fresc gjavât fûr de glesie dai batûts di Valarian (Redazion il Diari, Il paleontolic dal vin furlan)
-
adi., s.m.
che, cui che al à pierdût un conflit, un confront e v.i., o ancje che al è stât tocjât di une disgracie:
il vecjo al jentrave te sô braide cul cûr liberât di dut e cence il marum des personis batudis (Maria Forte, La tiere di Lansing)
Sin. cjapât
, domât
, domeât
, pleât
-
adi.
dal pêl di une bestie, soredut dal cjan, curt e slis:
nol è piçul ne grant, ma ben plantât; / di pêl blanc e batût; e su une cuesse, / su la schene, sul front l'è tacolât / del colôr di cafè; l'à code gruesse (Pieri Çorut, Il mio cjan)
Proverbis:
- cui che al è batût al è ancje fortunât, par sience o par sostance
- tal troi simpri batût no ven sù jerbe
- zoventût aur batût
