meschin
/-ìn/
mes|chin
[CO]
-
adi., s.m.
caraterizât di miserie materiâl, di puaretât e des cundizions psicologjichis che a derivin de puaretât:
o usurâr, ti prei: davra lis orelis, / davra il casson, juda, juda 'l meschin, / cu s'tu 'l judis di un solt, di un scût tu 'l spelis (Zuan Batiste Donât, Aviso dell’anno 1590 del mese de agosto de Vaticeolo Pedantini latino, di Benandantuç Sadinà forlano e di Chechin Suzzastelle da Venetia);
se la casope e jere meschine, il curtîl al jere avonde grant par comedâsi ben (Maria Forte, La tiere di Lansing)
Sin. puar2
, misar
, miserabil
, disgraciât
Var. mischin
-
caraterizât di un fisic o di une struture piçule, debile, brute:
[il fi de vedue] al jere un puar pipin meschinut, vidriç, cu la muse zalute (Catarine Percude, La fuiace de Madone)
Sin. misar
, miserabil
, scachît
, vidriç
, invidrignît
, rachitic
-
adi., s.m.
che, cui ce al è plen di marum, di infelicitât, che al è tocjât di une disgracie e v.i.:
chista meschina, che e veva na devozion particolâr pa Madonuta di Monsanta, e veva fat subita il vôt di lâ, cui doi fruts plui grancj, a preâ la grazia di tornâ a viodi il sio om san e salf (Anna Bombig, A Monsanta in timp di vuera);
il fat di jessi isolât, straneât, emargjinât dal contest sociâl mi faseve sintî plui puar e meschin (Antoni Beline, La fabriche dai predis)
Sin. puar2
, disgraciât
, infeliç
-
adi., s.m.
che, cui che al mostre un spirt no nobil, no gjenerôs, egoist, trist e che si incagnìs su robis piçulis e misaris:
saborâ nazionalisims intolerants e spes provinciâi in maniera meschina (Sergio Tavano, Il Staatsgymnasium di Guriza)
Sin. barbin2
, egoist
, pedoglôs
, tirât
, strent
, tegnôs
, miserabil
, ignobil
-
di robe, caraterizade di miserie morâl, di bassece, di mancjance di impuartance, glorie, poesie e v.i.:
mi pâr une robe fûr di puest… E mi displasarès di no podê vignî plui ca par une reson cussì meschine (Costantino Smaniotto, Co l'amôr al cimie)
Proverbis:
- negoziant di vin, negoziant meschin