Dizionari de Lenghe Furlane

pedoglôs  pe|do|glôs  [CO]

1. adi., s.m. che, cui che al à i pedoi:  un gjatat neri e pedoglôs (Josef Cjargnel, Il puint dal Diaul)
   Sin. impedoglât
2. adi., s.m. (fig.) che, cui che al è une vore puar:  jo no sai se o cognossês Saco, chel taboc pedoglôs cence diu cence cjâf cence bêçs (Stiefin Morat, Donald dal Tiliment); i doi damarins, ti àn començât a stiçâju disint che a jerin bruts e malvistûts, che no savevin fevelâ talian, che a jerin muarts di fam e pedoglôs (Alan Brusini, Come tai romançs); tant jo che mê fie e sin stufis di jessi simpri sacrificadis in chest paîs pedoglôs (Arturo Feruglio, El lunis di Titute Lalele)
   Sin. disgraciât , misar , puar² , miserabil
3. adi., s.m. che, cui che al è masse egoist, masse tacât ai bêçs, che al vûl sparagnâ masse:  sparagnìn cualchi monument di vuere ma no stin a fâ i pedoglôs tes robis che a passin il spirt (Antoni Beline, Presentazion dal Messâl furlan)
   Sin. avâr , pedoli , caìe , cancar¹ , tirât , strent , sparagnin , tegne , tegnôs , venâl , stitic , strent di sachete , barbin² , carogne , carognôs , cragne , crodie , crumîr , esôs , speculant , spelorc , spelorcje , sticin , strice , stricecrodie , striçot , tacagn , tangar , tichign , tichigne , cragnin , cragnine
4. adi., s.m. (fig.) che, cui che al cjale masse ancje i detais plui piçui:  tante pôre e àn lôr [lis glesiis orientâls] de confusion, tante ind vin nô de clarece. A pat che no si trati dai dirits de glesie, là che o sin precîs, par no dî pedoglôs (Antoni Beline, La fabriche dai predis)
   Sin. pedoli , macepedoli , sofistic , dificil

Proverbis:

• la mari dalose e fâs la fie pedoglose