pedoli
/-ó-/
pe|do|li
[AF]
-
s.m.
entom.com.
non gjeneric dât aes speciis de famee dai Pediculidis, in particolâr a Pediculus humanus, piçul inset che al supe il sanc dal om:
cence cambi di vistîts, sporcs, plens di pedoi, simpri plui intorteâts jenfri chel malstâ nassût in trincee, che ju roseave di dentri (Angelo Floramo, Stupit di vuere);
chê biade femine, e je muarte te miserie e plene di pedoi come un scus (Pieri Menis, Lis leiendis di Buie)
-
s.m.
entom.com.
non comun di tancj insets de famee dai Afididis, parasits des plantis:
copâ insets e pedoi tes vîts e sui pomârs (Riedo Pup, Furlans: alt, no cussì!)
-
s.m.
zool.com.
viôt pedoli di mâr
:
[…] / ogni sorte di pes; / ostrighis e pedoi / […] (Pieri Çorut, Il mio tratament)
-
s.m.
(fig., spres.)
persone masse sparagnine:
"Ce crodial? Di suiâse cussì? O ai simpri dite che al è un cancar e un pedoli! Mai tant ben che al sparagne la dote! Ma nol à fat i conts cun me" (Gianni Gregoricchio, Trê feminis);
al veve simpri il francut te sachete, al faseve simpri biele figure, no di straçâ, ma nancje di fâsi viodi pedoli (Roberto Ongaro, Cretevierte)
Sin. cragnôs
, macepedoli
, pitoc
, sparagnin
-
s.m.
(fig., spres.)
piçul profitadôr cence dignitât:
nus tocje di sintî la vôs sclapade di cualchi pedoli nostran che al domande l'onôr di jessi frapât des mans di Rome (Josef Marchet, Sul ultin scjalin)
Sin. cragnôs
, miserabil
, disgraciât
-
s.m.
(fig., ancje spres.)
persone masse meticolose o fastidiose:
jessi ancje masse precîs e pedoli tal presentâ dome documents, cence coments di sorte (Antoni Beline, La veretât in tribunâl)
Sin. macepedoli
Proverbis:
- cu la pazience il pedoli al à fat il zîr dal mont
- l'avâr al cope il pedoli par vendi la piel
- la tristerie a mene miserie, la miserie a mene pedoi e i pedoi a mangjin ancje i voi
- puar chel che si lasse vignî un pedoli
- un contadin che al vent ledan al compre pedoi
